Salai Tluang Kip Thang LaizoZanniat Blog

China ram in zaihnak Wuhan Virus (COVID-19) maan laivum pui in mer thil lovin com sio kuul in kin nung cih hang. Ur le thihnak lauvin sumpua suak ngam lo, mah hiang ai unau songkhat le rualpui tian in tawk ngam lo, mah innsang song tian in pakhat le pakhat laudun kuul tian in kin cang sio ai, he thihnak lakin kin luat thil hnak tuh heh aisu in khai umlam ngaiin iang li teng ii sing. He urhnak le thihnak lakin kin luathnak tuh i hnalam tu mi tam sawn tu mithiam te ai relhnak le daihdan hlun tuh heh kin hiam sio dinhmun i hang. He Wuhan Virus lar ngom fangin he virus hmangin Antichrist daan ah kin luthnak tuh i thai thu rel awng zo ing. Cia i rel awng fangin WHO, pharmaceutical te, Bill Gates te, Dr Fauci te a lungrual tlang liang thu ling fiang lai lo ing. Tun ah thil umhdan heh English in Pandemic tihnak i lovin Plandemic ii tihnak i fiang sinsin ii. Thula tam ngai pehzomdan le ruat pha umh lakin World Economic Forum (WEF) in official in website ah kin laivum hmailam kin umh tuh dan a ...

Mizan tu infate sawngen pui ben, mitmu ruai ben ah i university kai hnak lai siik kongin Facebook​ updates siar zianzo ing. Group 1 ai COVID-19 immunization pass tel lovin khualtlawn thil tuh nawn lo thu Forbes website in nganhnak heh i Facebook ah link hlah ing. Cia link i hlat ben sawng pah Facebook in amahte te daan hlun lo lekhaw 24 hrs post thil lo, comment thil lovin i kham tuh Warning i hleng cih ii. Hetih tian rori Facebook​ in COVID-19 heh Bible prophecy thawn a bangdun thu ngan menma rin Facebook company te in kin daih lo tihnak ling thiam cih ing. Cia pah i Facebook​ account phone ai le computer song ai te logout sio ing. Laivum kin hmailam nun heh tunhlan i tuh nawn lo tihnak a lin ngai i hang. He minung kin control thil tuhin COVID-19 tahin roh sawn kin hleng tuh lai tiin ruathnak nai ing. A nung Pathian ian in kin luat ruai thil, kin hnangamhnak umh sun i hang.

Zanniat mi le ram politics thu heh zaikom in lar pan ii, tihnak ruat pha umh ii. I tawkhnak le i hmudan in Zanniat mi le Zanniat ram politics heh a lar panhnak kin rai lai lo ii. Tunhlan ah rel lianglo tuh napui, a lar panhnak ngaingai heh ruat zianzo fangin Kawlram ralkap acozah hnia ah zonzai in ramdang dang ah kin tlan lianglo fangin ram le miphun politics heh Zanniat ah kin lar pan in hmu ing. Nisuak lam Kawlram hmun rawn an Zanniat ram  Tunhlan lam kin politics sik zianzo fangin Zanniat ram le miphun politics thu umh lo ii. Ram in a huap ban politics tu Lumbang ram, Sakta le Hlangta ram politics le circle san lai thu umh ii. Cia vum ah Falam township, i hlah lekhaw Falam politics ii. He thu ruatin kin thu umhdan heh Refugee san hlan le hnualam Zanniat politic tiin khan thil ii. Refugee hlan politics tu Sakta-Hlangta politics, Lumbang politics, khua politics heh Zanniat kin in kin naihnak politics ii. Zanniat ram le miphun huap thu umh de lo ii. Zanniat ram le miphun h...

Tunnia tu i fapa le i fanu upaber te heh Orchestra music zirhnak Orkidstra ah tlawngkai ben veleh zir tuhin mawtaw in hlat ing. Orkidstra zir hmun ah pawlkom dang te in mipui sik thil in poster a dahhnak te sik fangin Canada ram ai umh hmasa miphun te dinhmun le Mirang te in a miphun paai tuhin Residential School ah a kaai ruai thula te pawl thula tlawm dung siar pha umh ii. Carleton University ah B.Sc i zir kongin Canada ram tluanthu i zir awnghnak thawn ling thiam cih ing. Canada ram naitu miphun te dinhmun ruat fangin thinhnawm kul ze. Kinmah khai amahte dinhmun ah umh singlai laivum heh kontin hmu ni sing? Laivum ah miphun khangso ber le fim ber Mirang te in he ram ah Mirang ram in cang ruai hiam maan he ram naitu miphun te paai sio tuh le mi bang lovin cang sio tuhin a bawndan te ruatin zai tlukin a har tuh ii tihnak ruat zo lo ii. Zanniat mi tang kontin ii sing tihnak ruat ngah de ing. Hlanlai kin pupa san ah Lai/Chin ram ai mi nautat hnak ber ...

Geneva ih UN luthnak sangka pi hmai ah Falam in ca ka thlah tuk lem lo. Audience zirin si ko. Falam peng lawng si lovin, Chin miphun le ram dinhmun in kan tul zetin ka hmu mi cu Human Rights lam hnatuan theinak pawlkom thar pakhat kan tul. Ziang ruangah Human Rights Pawlkom dang kan tul? Tu dinhmun ah Chin Human Rights Organization (CHRO) a um ko. Pheh ding um lovin CHRO dindan le hnatuandan zoh tikah an tuanpi pawlkom le cangvainak hmun zohin duhthu a sam lo ti cu zapi theih asi ih, an tuan theinak zawn ah an tuan rero kan ti thei. Curuangah, CHRO le pawlkom dang ih dinpi lomi Chin mi kan diknak le covo phuangnak le mipi hrang dinpi theinak pawlkom dang kal tul tuk. Tunaite ih Falam peng ih dinmi Institute of Chin Affairs (ICA) kha Human Right lam dinpi nak ding NGO pitling zet si dingin ka rak beisei zet. Hmansehla, a rei hlan ah thiatbal asil. ICA thu ka hun thlir sal tikah a pekte ihsin Human Rights le Humanitarian lam hnatuannak ding si lovin political organization ve...

Mipi cun Rohingya le Muslim kan hua, Kawram in dawi hlo thluh, that theh khal poi kan ti lo. 2015 kum Dec hla ah USA ihsin Pu Za Hlei Thang in Canada a ra tlawng ih, mipi thawn zalen zetin thusutawnak kan nei. Rohingya thu kan rel tel. Pa Za Hlei cun, Rohingya pawl hi minung an si ve ih, ramsa bangin thah thluh men, hlon men theih an si lo thu, Kawlram acozah in thaten rammi sinak ID/hmatpungtin tuah sak ih, an lut le suak, an khawsakdan pawl control theih an si sawn ding, a rak ti. Tu vek ih duhduh ih Kawlram le Bangladesh karlak ah an lut suak hluahhlo hi ram hrang a him lo thu a rel. Kei khal a thok cu ka thin a so dukdi naan kan hun ruatsal tikah Pu Za Hlei ih hmudan le ruatdan cu pom tulmi asi ti ka fiang ve. Kum reipi ram pakhat ah um zo, tesin fa san tampi tiang um zo hnu tiang ih rammi sinak nei lovin, vakvai in zo khal in kan um duh lo. Cuvek thotho cu Rohingya pawl ih dinhmun khal asi ve. Thaten a pekte ihsin rammi sinak nei ih, Kawlram dan thlun terin um ter...

Zanniat tluanthu heh bangdun lo hnak umh bial maanin committee din in rel tlanghnak heh 1996 kum ah umh awng le Zanniat Tluanthu Committee tiin ko ii. Committee president heh Pu Senkulh (kin hlum zo hang) ii. Committee in rel tlang awnghnak heh laibu in nganhnak umh ai, laibu hming heh “Zanniat Tluanthu le Pipu Dan, 2012 September (7), Pa Sen Kulh” tiin ngan ii. He laibu song ai lai ngandan heh tunlai academic lam in siar fangin rem kulhnak le thula khim lo hnak, reference/citation kuulhnak umh bial napui, amahte san ai cang thil tawpin a ruathnak le laibu in kin ngathnak i maanin ling tlang pha in ruatin, Zanniat hampandan le suahkehdan a nganhnak heh laibu song ai siikin ngan leh ing. He laibu song ai lai ngandan heh siar harhnak umh bial maanin a thu thleng lovin rem zianzo in ngan leh hnak ing. Copyright thula ah laibu song ai laihmai 6 dung ian langin ngan maanin tunlai University dan in laibu ai 10% i hlah lekhaw, laihmai 20 dung lang lo lekhaw midang in nganhnak lang kin ...