Salai Tluang Kip Thang LaizoZanniat Blog

Laivum minung nun ciah thinlung pha le thinlung phalo kin umh ii. Cung Pathian in mi pha te nun le mithmai siikin miphun le ram hnawmcan tuh siang de lo tihnak Bible ah hmu pha tam ngai ii. Mipha tahin mi phalo, ihlah lekhaw mi fello tam sawn tio ii. Bible ah vaikhat tu Sodom le Gomorrah khuapui minungte a sual ze maanin Pathian in vancungmi hlatin hnawmcan tuhin minung bangin laarin Abraham thawn tawkdun ii (Genesis 18). Sodom le Gomorrah siat sio tuh thu vancungmi te in a pong fangin Abraham in mipha te tianin hnawmcan sio tuh maw, tiin zawt ai, mi pha 50 umh lekhaw siatsuah sio tuh lo ti ii. Abraham in mi pha 50 rin umh tuh um lo maanin mi pha 40 umh lekhaw, 30, 20 tiin ngen zianzo ai, hnutaber tu mi pha 10 tian umh lekhaw hnawmcan tuh lo tiin vancungmite in tiam ii. Ikhalkhaw, Sodom le Gomorrah khuapui ah mi pha 10 rin umh lo ai, Abraham ai songkhat Lot innsang mi 4 ian ciah vancungmi te in luat ruai awng ii. Sodom le Gomorrah khuapui ciah minung tam roh tuh ii. Cia khuapuite ah mi...

Bible ah Nu/Nupang hmingthang lakin Ruth laar ngai ii. Kumpibawi David ciah Ruth le Boaz nupa ai fapa Jesse cihlah in suakhnak ii ai, David cihlah songin laivum minung tlantu Bawi Zisuh Khrih suak ii. Ruth ciah Moab miphun ii ai, Moab ram ah vaai Isreal miphun lakin Judah hin Nu Naomi fapa pasal in nai awng hnak ii. A pasal Naomi fapa thi lio ai, Ruth ciah nuhmai in cang ii. Pasal nai nawn lo Ruth ciah a pi Noami hlum hiam lo in a pi hnen umh hlen hiam ai, a pi ciah Moab ram an Israel ram ah lel fangin hlun cih ve ii. Israel te ca Moab miphun ciah ningdulkuul miphun, Isreal lakah raal miphun ii. Moab miphun hampanhnak siik lesingkhaw, Pathian in Sodom le Gomorrah khuapui te kaat mai in siatsuah fangin vancungmi ruai in luat ruai hnak Lot tihnak pa, Abraham ai songkhat pa in suakhnak ii. Lot le a innsang ciah kaat in kaangnak Sodom le Gomorrah ram kaang lakin a luat hnua, Lot ciah a fanu thawn pawldun in a naihnak fapa ciah Moab ii ai, cia tesinfa te khiah Moab miphun ah can...