Salai Tluang Kip Thang LaizoZanniat Blog

CNF/A in zawl maanin Zanniat in CDF ding, Chinland Council ah lut tiiin phuncang pongtu le reltu tam ii. CNF/A in CDF ding tuhin Zanniat sawm ta selai, CNF/A in CDF-Zanniatram ca maithal pe tuh hnak, zawn tuh hnak ii. Inapui, ciabang zaikhai umh lo in CDF-Zanniatram tihnak ciah Spring Revolution lungput le Zanniatram dinhmun ruatin ding pan awnghnak ii. CNF/A in training pe in maithal zawn awnghnak ciah thungai in tu tun ai CNDF sawn ii. CNDF in CNF/A tawngin mer maanin CNF/A in maithal zawn awnghnak te sut sal awng hnak ii. Ram politics ah thupui ngelngohnak tu Danhampui (Constitution) ii. Laivum ah pha ber Danhampui tu umh tuh lo napui, kin ca remcang ber ciah ruat kuul ii. Chinland Council ah Zanniat a telhnak san ber tu CNF/A in bawm maan le sawm maan i lo ii. 2008 Danhampui kin daih lo i maanin cia tahin remcang sawn hnak nung ruai thil tuh ciah Spring Revolution ruatin le ram ding tuhdan ruatin Ramukdan (Constitution) pha kin kuul hnak ii. Spring Revolution maanin pawlkom phuncan...

2008 Constitution Phalohnak rel pha tam roh tuh, a lingtu le dan thiam te in. Spring Revolution cangsuakhnak ber ciah Ralkap/ Tatmataw in thunaihnak sut maan i ber ii. Ralkap/ Tatmataw in zai tlukin 2008 Constitution hmangin thunai ii tihnak ruat tlak tam ze umh tuh ii. Ahnialam ai ciah ruat ngelngo pha pawl ii. 1. Ralkap in State/Regional (Pyine/Pyimah) le rampumhuap ai Hluttaw (Parliament) tohkham veksen ah 25% nai tuh. Cia hluttaw tohkham heh Ralkap luber (Commander-in-Chief) in a daihhnak te to ruai thil. 2. Constitution (Danhampui) remthilhnak (Amendment) cang suak tuhin Hluttaw (Parliament) ai 75% lungkhimhnak ngah kuul. 3. Ralkap in Veto hmangin Danhampui rem thula ah kham thil. 4. Ram humhimhnak le ukdan ciah ralkap hnia ah, hlaice in Ministry of Home Affairs, Ministry of Defence, le Ministry of Border Affairs hnia ah dah ii. 5. Ram humhimhnak National Defence and Security Council (NDSC) ah ralkap in tohkham 11 nai. NDSC in ram buai caan (emergency) ah ram ukdan thunaihnak awh ...