Tunnai ah DNA sik ruai ing. I DNA result siik fangin China, Tibet le South Asia cihlah i cang ai, Kala (Vai) DNA tu i tel lo in laar ii. DNA sikin Taluk DNA i tam sawn maan, "Taluk mi ing" tiin Taluk miphun ah lel thil nawn lo hang ing. Taluk daan le Taluk pon hmang nawn lo miphun ah i pupa san ah kin cang zo hang. Noah innsang in karhzaihnak laivum minung ciah Noah miphun ah lel thil nawnlo in miphun thar, miphun dang phuncang ah kin cang lianglo zo hang. Miphun tumce in ding zo hnalam cia miphun dinhmun in pha niu in nung tuh ciah thil pha i hang. Chin tihnak miphunpui (Ethnic) song ah Zanniat tihnak heh miphun (Tribe) pakhat in kin cang zo hnak lungkhim kin pha ii. Cia Zanniat tihnak song ah Laizo tihnak hin (Clan) umh ve ai, cia hin ah i suak ve maan i lungkhim le lungkhim lo thu reel thil lo in Zanniatmi i cang ve ii. Zanniat tihnak song ah hin tam ngai umh ai, cia te lakah Hualngo in Zanniatram ah vaai in hin thar ah cang in Zanniat miphun ah lut umh lianglo...
I linghnak le ruathnak thu le la hetah zapui in siar thil in ngan ing.