Salai Tluang Kip Thang LaizoZanniat Blog

Tundung Online in Kawlram song buaihnak thu phucang mi te hlathnak sik ngah veli ing. Mi rek awng lo mipui te in a cimhnak Kawl ralkap council te reek ngam, kon zong ah kaapdun, bomb puak, mi pha lo in kin ruathnak te zongdun ii. Mipui te kut ah maithal le hriamhrai umh bangin Kawl ralkap council te in amah te lam mipui te kut khiah maithal awh ruai ve hang. Mipui tlangtlang songah mi pha le misual khandun thil lo, laudun kul in suak zianzo hang. Hetin Kawlram pui heh cozah thar maw, ukhnak danglam kin hleng tuhin um tlang ii sing. Cozah lam le ukhnak lam politics tu rel pha tam ngai tuh napui, hetin ramsong buaihnak maan cozah thlengh hnua ah mipui te thinlung le mizia ah harsahnak le buaihnak pehzom in umh tuh lai ii. Raltawng in mi rek awng te pawl, bulpak dinhmun in a kul in ruat maan mi rek ngah awng te pawl heh hnuata lam tian in thinlung lam le hluak lam ah buaihnak le harsahnak nai tengteng de ai, cia heh urhnak phunkhat ii ai, post-traumatic stress disorder (PTSD) tiin ko ii. ...

I naupang lai ah i pa in Taisun pon in i pon ai i nu in Balai/Laizo (Falam) pon in i pon ii. I tlangval hnua lam tian in Zanniat pon pong hmang awng lo ing. I naupang lai ah Lingsuh (Tihang) khua ai i pa unau le songkhat te tlawn de fangin amahte hnen in Zanniat pon za de ing. Amahte in Zanniat in i pon ai Falam pon in sawn de ing. Mi tam ngai in miphun tihnak tu pa le pu lam in kenghnak in rel ii. I pa in Taisun pon in i pon maan Taisun mi in vuah dun de ing. Taisun mi in ruat dun napui hiang ai mi te sik fangin Falam pon hmang in khangso sawn le mi lak ah laikal ben sawn in hmu in Falam mi ti dun de ing. I pa hnen in: Vaikhat tu Pu Ro Za Thang in i pa heh Zanniat mi ii tiin i rel awng ai, i aican in i pa zawt awng ing. I pa in Zanniat song ai Laizo hin kin i thu le Taisun in kin upa te uk maan Taisun pon hmang in kin cang thu com niu in i rel ii. I pa tu tlawng phunsang kai lo i maan thule umhdan i daih bangin i rel ben ve lo ii. Cetin Falam mi ngai in i nung de hnak i pa hnen in Zan...

Tundung Kawlram buaihnak ah Kawl ralkap cozah tawng kul in ruatin hriamhrai awh kul tian in ruat in pawlkom phuncang ding ai, cia songin Falam peng in CNO/CNDF (Chin National Organization/  Chin National Defence Force) heh April 13, 2021 nia ah Champhai (Mizoram, India) ah din ii. CNO/CNDF ah teltu kin umh lianglo thai maanin a teltu te hnenah hetin daihsahhnak reldun ii sing. 1) CNO/CNDF ai teltu te songah Zanniat mi kin umh lekhaw konghoidun le thuruat kin fumfe thilhnak tuhin Zanniat mi te ca konghoidunhnak a ce in nai pha ii. Santehhnak in CNDF Zanniat tiin maw, committee/group niu in umh ben tuh, konghoitu nai pha ii. 2) Falam peng huap in rampua in CNO/CNDF ca sumsaw tam ngai in bawmhnak umh ve maanin CNO/CNDF ai teltu Zanniat te in Zanniat dinhmun in kulhnak le samhnak te khiah ngen thiam tuh, lang thiam tuh, CNO/CNDF hnia ah naper tlang tuhdan thu ruahdun thiam tuh thupui ngai ii. Hetin CNO/CNDF ah Zanniat mi kin tel lekhaw phathnemhnak umh tuhdan ruatin daihsahhnak thu rel...

COVID-19 le virus dang in ur te hrang virus rekhnak si tuntian in umh lo ii. Virus nehhnak pha ber tu Pathian in minung ah kin dah cia hnak urkhamhnak (Immune System) ian in neh thil ber ii. Ciamaan, kin tiksa cak tuh thupui ber ii. COVID-19 in lekhaw thupui ber in ai tuh hnak si phun 2 (Acetaminophen le Ibuprofen) ai pha ii. 1) Acetaminophen (Paracetamol/ Tylenol) Uham hrang mum 1 ah 500-650mg heh nazi 4 dan ah ai tuh. 1000mg i lekhaw nazi 5-6 dan ah ai tuh. Acetaminophen hah ruangsa/tiksa (Fever) khamhnak tuh ii. Ruangsa suak hlan ah he si ai man tengteng pha ii. Ruangsa suak lekhaw minung cawl ze in, cak lo sinsin thai. Nazi 24 songah Acetaminophen heh 4000mg tahin tam ai pha lo ai, thin (liver) hnawm thai ii. 2) Ibuprofen (Brufen/ Advil) Uham hrang mum 1 ah 400mg heh nazi 6 dan ah ai tuh. Nazi 24 songah 1200mg tahin tam ai tuh lo. Ibuprofen heh tiksa ur, tha ur hrang ii. 3) Vitamins Vitamin C, D le a dang te khai ai tel pha ii. 4) Rong kham ngai in ai tuh. Sa ti (Kawlpaw sa, Ar sa...

Tatmadaw in  Jan. 31, 2021 nia ah NLD (National League for Democracy) hotu Aung San Suu Kyi, 2016-2020 kum president le NLD hotu te pom ai, February ni1 nia ah cozah heh kum khat song amah te kut ah umh tuh in phuang ai, cia kum khat song ah 2020 general election ai vote dik lo thu rel tuh ai, cia ben ah election bawn tuh ai, election in tlinghnak cozah khiah kum thar ah cozah i tuhin phuang ii. Hetin Tatmadaw in cozah tunaihnak lang lio pah Feb. 2, 2021 nia ah NLD in thusuah phuang cih ve ai, cia thusuak ah thupui pathum ngen ii. 1) President le State councellor (Aung Sang Suu Kyi) le midang pom in umhnak te zalen ruai tuh. 2) 2020 general election in tlinghnak cozah khiah lungkhim tuh. 3) Ram danpui (2008 constitution) bangin Hluttaw in naper thil tuh. Hetin NLD in ngenhnak pathuam khiah sik fangin 2008 constitution heh a lungkhim ai, cia dan hmang in 2020 kum general election in ngahhnak hluttaw tohkham khiah a lungkhim hlen in cang so ii.  Feb. 2, 2021 nia ah NLD in ngenhn...

Ram tihnak tu miphun in nung ruai ii. Miphun paai lekhaw cia miphun umhhnak khua le ram khian miphun dang te ai ram ah cang lio de ii. Kin hlan tluanthu sikin Pyu miphun khiah Kawl (Bamar) tahin a cak in a lar sawn awng ai, Taluk (China) siangpahrang thawn in rin remhnak bawn awnghnak miphun i awng napui khalkhaw, a miphun a kilkhawl ben lo hnakin tunah Kawl (Bamar) in cang sio ai, hlanlai ai Pyu pon in nganhnak thu le la khiah Pyu pon hmangtu umh nawn lo hnakin tunah cia lai te khiah a rel numhnak thu le la lingthiam lo in umh i hang. Zanniat miphun kin dinhmun ruat zianzo nga sing. Zanniat in lai rori in kin thula ngan hnak heh hlanlai ah calai kin nai lo hnakin a zong thil lo i hang sing. Ponka in thu hlupdunhnak ian in ling lianglo i hang sing. Chin miphun huap tluanthu rin Mirang (English) te in kin ngan sah awnghnak B. S. Carey And H. N. Tuck in ngan awnghnak The Chin Hills volume 1 le volume 2 khiah a hlanta ber Chin ram tluanthu nganhnak in cang menma i hang. Cia Chin Hills lai...

Yangon ai Zanniat Gospel Concert laa pakhat ah "miphun nau ii sing" tiin laa ah ponka tel ai, tha pedunhnak in mawi ngaiin fenu 1 in sa awng ii. Cia heh ruat ingkhaw Zanniat pon hmang heh i naupang lai pah miphun nau in hmu ve ing, aisu in i rel lo napui. Tunah fa 4 nai in mi khua mi ram ah zonzai in vakvai in i nung fangin i fate in mi lakah "Zanniat mi heh miphun nau" ihnak thinlung nai tuh ve hnak i ruat fangin thin i hiam lo ngai ii. Zanniat pon hmang mi kin tam in rin Falam pon hmang te mithmai sawn siik in kon zongah kin umh ii. Cia heh Pathian thu in konghoidunhnak (Christian life/Religion), mi lak tlanglengdan (luhmuhzi/culture) le miphun le ram thu (politics) tian ah kin dinhmun ii. Zanniat pon hmang kin ihnak heh siik zianzo le singkhaw tuntian kin fate in upat tlak tuh miphun in umh lo ii. Hlanlai pah Zanniat miuk le mithiam, mi khangso kin tihnak Lumbang khua te lekhaw Zanniat tahin Lumbang sawn thupui in Laitlang, Kawlrawn le Western ram lam tian in umh...