Skip to main content

MIPHUN NAU

By Salai Thangte Laizozanniat
Yangon ai Zanniat Gospel Concert laa pakhat ah "miphun nau ii sing" tiin laa ah ponka tel ai, tha pedunhnak in mawi ngaiin fenu 1 in sa awng ii.

Cia heh ruat ingkhaw Zanniat pon hmang heh i naupang lai pah miphun nau in hmu ve ing, aisu in i rel lo napui.

Tunah fa 4 nai in mi khua mi ram ah zonzai in vakvai in i nung fangin i fate in mi lakah "Zanniat mi heh miphun nau" ihnak thinlung nai tuh ve hnak i ruat fangin thin i hiam lo ngai ii.

Zanniat pon hmang mi kin tam in rin Falam pon hmang te mithmai sawn siik in kon zongah kin umh ii. Cia heh Pathian thu in konghoidunhnak (Christian life/Religion), mi lak tlanglengdan (luhmuhzi/culture) le miphun le ram thu (politics) tian ah kin dinhmun ii.

Zanniat pon hmang kin ihnak heh siik zianzo le singkhaw tuntian kin fate in upat tlak tuh miphun in umh lo ii. Hlanlai pah Zanniat miuk le mithiam, mi khangso kin tihnak Lumbang khua te lekhaw Zanniat tahin Lumbang sawn thupui in Laitlang, Kawlrawn le Western ram lam tian in umh sio ii. Cen, Lumbang in uk lo hnak ram Tanhlang, ram te lekhaw Zanniat tahin Taisun sawn thupui in umhnak i pu te khua Khumzing, Thanghluang, Simcing tiin umh ai, cia Hlangta ram heh Siatton ram ti dun in tuntian Zanniat in ding thil lovin umh fawn ii. Sakta le Hlangta in thinlung in khandun ngio ii. Cia lakin cozah tian konghoidunhnak lam politics siik lekhaw 2010 kum an 2020 kum tian Election ah Zanniat mi heh Zanniat ram mi song rori te in vote dun hiam lo hnak thinlung in kin umh fawn ii.

Chin mi tlangtlang ah tuntian i tawkhnak ah pon kin bangdun lo tahang, mah niu in pumkhawmhnak nai ben, pawl ding in konghoidun te khiah mi upat tlak in umh ai, Chin mi song ah a khangso ber ii. Cia lakin Zanniat pon hmang te tu minung in kin tam in rin mah pon in pawl ding kuul in ruat lo, Zanniat in konghoidun heh mah lala rinsan dun lo in kon zong ah kin umh ii. Midang te sawn upat in hlun hiam in kon zong ah kin umh ii. He thu ruatin Zanniat pon hmang heh kinmah lala heh mi lakah miphun nau, Sal miphun in ruatdun ngio tihnak ii.

Zanniat pon hmang te hetih kin i maan a khang tuh lai i fate, Zanniat fate hrang tu mi lakah Miphun Niu thinlung nai zianzo tuh ti ruatin thinhnawm kul ngai ii.

Comments

Post a Comment

Popular posts from this blog

HISTORICAL HEGEMONY, TRIBAL LINEAGE, AND MODERN DISUNITY IN CHINLAND

By Salai Thangte Laizozanniat
REPORT: HISTORICAL HEGEMONY, TRIBAL LINEAGE, AND MODERN DISUNITY IN CHINLAND - by Salai Tluang Kip Thang Topographic view of Falam Township of Chin hils on Google Map, May 11, 2026. I. Historical Expansion and the Rise of the Tlaisun Hegemony (18th–19th Centuries) The roots of today’s geopolitical and tribal tensions in Chinland can be traced to the expansion of the Tlaisun (Tashon) chiefdoms during the 18th and 19th centuries. Centered in present-day Falam, the Tlaisun established one of the most influential powers in the Chin Hills through aggressive military expansion, tribute systems, and slave-raiding economies. At the height of their influence, Tlaisun authority extended beyond modern Falam into the Lushai Hills (present-day Mizoram), parts of Manipur, and the Chindwin River lowlands, including areas such as Minkin and Mawlaik. This expansion transformed Falam into the dominant regional power long before British colonial intervention. The old Fahlam dynasty, prior to the British ...
Post a Comment
A vekin siar »

CC/CNA in Falam Ting??

By Salai Thangte Laizozanniat
Tunnai kin rualpa hnen in he ponka za ing. Thil umhdan ruat lo hrang tu cetin tun dung Falam township ai thil canghnak thu ah innhnen te in online in hlivua hmut dek hnak hiip thai te in cetin ruat lianglo tuh peu ii. Thu umhdan tu hetin ii. 2023 kum November 13 ah Chinland Council ralkap te in Falam township song Myanmar le India ramri ai Rikhawdar khua le Khawmawi ai Tatmataw ralkap camp ciah lang ngah ii. He Tatmataw camp langhnak ah CDF-Zanniatram ralkap te tel in harsa rohin langhnak awng ii. Cia hnua CNO (Chin National Organization) le a rualpui ralkap pawlkom CB (Chin Brotherhood) in 2025 April 7 nia ah hla 5 song tawngdun hnua Falam khuapui ciah lang ngah awng ai, a ang ze in "Falam duai ni kan nei lo." tiin ramcang ah puai bawn in laam tlang thlurhthlo awng ii. Cia hnua a rai lo pah CNO/CNDF in 2025 kum July 5 nia ah CC in Tatmataw kut ai lang in kilkhawlhnak Rihkhawdar ciah kaap ai, CNA ralkap pakhat thi, CDF-Hualngoram ralkap le mipui lam in thi, mipui 3,000 lai Mi...
Post a Comment
A vekin siar »

NINGHIO KUUL

By Salai Thangte Laizozanniat
NINGHIO KUUL Zanniat mi khangthar niunawn te hmu fangin konghoitu nailo tuu rual bang ii sing. Zanniat mi heh kin ninghio kuul roh. 1948 kum an Burma ram ding hnua i uham tian, 2020 kum lam tian in Zanniat tihnak miphun heh Zanniatram ah konghoi dunhnak pawlkom nai lo ii. Kin san tian ai kin ling thilhnak tu Bawhlung pawlkom ii, cia rin Run-hlang Bawhlung Pawlkom (RBP) ii. Cia hlan lam ah Run-hlang Siatton in ding awng ti ii. Run-hlang in huap lo hnak te  Lumbang khua tlang lam ciah Sakta ti ii. Sakta le Hlangta tiin kin san tian in remdun lo hnak thu nai bial ii. Zanniat miphun po hmun khua le ram, Zanniatram tu Zanniat hming in ding hnak, Zanniat hming in konghoi dun hnak pawlkom le committee pakhat niu rin umh lo ii. Kum 70 luan lam tian in Zanniat hming in konghoi dunhnak, thu rel tlang thilhnak zai khai umh lo. Mah khua niuniu in ding sio ai, khua khat le khua khat zuamdunhnak, cozah lam thil ti ben deuh te in amahte khua hrang ian ruat in thil bawn thu te za pha t...
Post a Comment
A vekin siar »