IZHP Report
IZHP Naperhnak Thucom & SAC Tawnghnak ca Zanniat in kin samhnak
Kawlram huap in 2021 kum ah February 1 nia pah Tatmataw in cozah thunaihnak sut lio hnua pah he lai ngan nia tian in ramsong ah mipui in Tatmataw tawngin raltho in buaihnak, harhnak le thihhnak phuncang hleng in buai teng ii.
Kawlrampui buaihnak ah Chin songin in Tatmataw ralkap te kaap in raltho hmasaber ciah Zanniat mi kin cang ii.Tuntian Kawlram ah ralkap ukhnak daih lo in harhnak le buaihnak ah ramdang ai Zanniat pawlkom te in ramsong ai Tatmataw tawng in ralkap per te bawm hiam lo in kin hluk lianglo maan thu umhdan hetin reldun ii sing.
March 30, 2021 nia pah Zanniatram le Sagaingram karlak ah mipui le Tatmataw kaapdunhnak suak ai, Zanniatram in pasal pha te tel ai, Zanniat mi pakhat kin thi awng ii. Cia thu umh pah tu April 3, 2021 nia ah Laivum Huap Zanniat Emergency Meeting kaimah in online in ko ing. He lentai in ramsong le rampua in mi 40 tel ai, thureltlanghnak tuh committee ding tuhin relcat ai, ram cang in Zanniat in pawlkom ding cia te hotu le songper te tel sio in sawmtu tuhin kaimah (Salai Tluang Kip Thang) in pervo lang sah tuhin relcat ii.
April 4, 2021 nia ah Lumte khua ah ramsong in ZHP (Zanniatram Humhim Pawlkom) ding ii. ZHP ding ngom fangin pawlkom in tumtekhnak kin than lo ai, he lai ngan tian in umh lo ii. He lai i ngan tian in ZHP in pawlkom konghoidundan (Constitution, Bylaw) umh thu mipui lin in than dunhnak umh lo ii. Zanniatram ca ZHP khiah Ngalsip (Lumte) Area, Thangpawl (Lumbang) Area, Suangdawn (Webula) Area tiin committee a ce in dinh sio ii.
Ramsong in ZHP ding maanin rampua in bawm kul in ruat in April 10, 2021 nia ah rampua ai Zanniat Community kin naihnak te (USA, Canada, Australia, India-Delhi, Malaysia) ai konghoitu te khiah online meeting ko ing. Cia nia ah ramsong ZHP bawmhnak tuhin International ZHP (IZHP) ding ai, pawlkom in ding lo in pehzomdunhnak (netwoking) lam sawn thupui in ruatin IZHP ca meeting kotu le ramsong thawn pehzomdunhnak tuhin pervo pe dun in Secretary General pervo nai tuhin kaimah i ril ii. Hetin ZHP le IZHP dingin ramsong ZHP in kulhnak heh IZHP meeting ko in bawmdun tuh dan reltlang de ii ing. IZHP in fund (sumsaw) a ce in nai lo ai, ramsong ZHP hnen ah ram cangcang ai Zanniat pawlkom (community) te in kin remcang bangin sumsaw kuat de ai, bulpak in ZHP hnenah sumsaw kuat hiam te in kuat de ii.
November 20, 2021 nia ah ramsong le rampua ai Zanniat pawlkom ai konghoitu te tawkdunhnak in Zanniat zapui huap ca pawlkom pui, Zanniat Community (ZC) ding tuh hang maanin IZHP ciah bo ruai tuhin lungkhim tlang ai, he nia pah IZHP umh lo i hang. IZHP ca Secretary General i per song April 4, 2021 - November 20, 2021 (hla 7 zolo) nia song ah ZHP ca IZHP meeting vai (7) nai in, cia karlak ah bulpak in ramsong ai ZHP konghoitu te thawn vai tam ngai online thurelthnak nai ii ing.
ZHP in Ngalsip (Lumte) Area ca miur phurhnak tuh mawtaw (ambulance) kul thu IZHP ah lai kin kuat ai, cia mawtaw hrang Canada ai Zanniat pawlkom (Community) in sumsaw suah tuhin lungkhim in a kulhnak sumsaw kuat in lai ben awng ii sing. Cia hnua Thangpawl (Lumbang) Area) ca miur phurhnak mawtaw kul thu ZHP in IZHP ah lai thawn kin ngen ai, cia mawtaw ca sumsaw kulhnak khiah Australia ai Zanniat pawlkom (community) in tum sah sio tuhin lungkhim in a kulhnak sumsaw kuat in lai ben awng ii sing.
Rampua ai Zanniat pawlkom (community) in ZHP ca sumsaw kuathnak heh i hnen ah cazin in umhnak tu hetin ii.
1) ZYO-ZMP (Zanniat Youth Organization - Zanniat Mino Pawlkom) in Ks. 1,000,000
2) ZYO-ZMP (Zanniat Youth Organization - Zanniat Mino Pawlkom) in si (medicine) hrang Ks. 359,090
3) ZCUSA (Zanniat Community of USA) in si, Oxygen bur 9 le thi ralhnak ca Ks. 1,450,000
4) GZCF (Delhi) - Global Zanniat Christian Fellowship (Delhi) in Ks. 500,000
5) ZCD (Delhi Zanniat Community - Delhi) in Ks. 400,000
6) Australia ai Zanniat mipui pawl hnen in Ks. 2,000,000
7) ZCCA (Zanniat Chin Community of Australia) in Thangpawl (Lumbang) Area ca ambulance le kulhnak in sumsaw ca Ks. 12,907,000
8) ZCCC (Zanniat-Chin Community Canada) in Ngalsip (Lumte) Area ca ambulance ca Ks. 7,500.000
Hetin rampua ai Zanniat pawlkom (community) in sumsaw kin kuathnak heh i ling ban tian in Kyat 26,616,090 khim ii.
ZHP ca bulpak in sumsaw kuathnak te tu rel ban lo ing. Cen, Zanniat pawlkom lo, pawlkom dang te in ZHP hnen ah sumsaw pe hnak te tu rel ban lo ing.
ZHP in Ngalsip Area ca naupang tlawngkai/laizir tawlrel tuhin ngenhnak (proposal) umh napui Zanniat ram song ah raltho hnak in tawlrel thil lo in com lio ii.
IZHP le ZHP pehzom in napertlanghnak song ah ramsong ah harsabawmhnak le naperhnak te khiah Ngalsip (Lumte) Area te hnen ian in a naperhnak le hmanghnak te kin rel ben ai, area dang te in zai per ai, kontin ZHP ca bawmhnak khiah hmang ii tihnak reldunhnak (Report) umh awng lo ii.
ZHP in ramsong ah harsa bawmhnak ca ian in IZHP meeting ah thu kin relpui maan in Zanniat in raltawnghnak ah bawmdun tuh dan rel tlang thil lo in umh ii.
Zanniatram ah ZHP ding hnua Falam CDM Heroes te in Champhai (India) ah meeting ko ai, cia meeting ah ZHP in hotu pahnih tel in ling ing. Zanniat mi teltu dang te khai umh tuh ii. Cia Champhai meeting in Chin National Organization - Chin National Defence Force (CNO/CNDF) khiah April 13, 2021 nia ah din ii. CNO/CNDF in kontih bangin fehpui in naper tuh ai, ZHP in kon tih bangin tel tuh tihnak te tu IZHP meeting ah kin rel lo maanin ling ban lo ing.
CNO/CNDF ding hnua Zanniat ram song ah CNDF raltawng zirhnak te nai thu khiah ZHP in IZHP meeting ah rampua ai Zanniat pawlkom te hnen ah phan takin rawn dun le reldunhnak umh lo ai, ZHP thawn pehzom lo in kin rel ngio ii. Cia lakin Zanniat ram songah Zanniat mi tam ngai CNO/CNDF ah ralkp in lut in raltawng zir ai harsa ngai tiin sumpua lam sawn in thu za lianglo so ii ing. ZHP lam in mawtaw le harsabawmhnak ca sawn ngenhnak bangin mawtaw hrang bawmhnak thu ah Webula lam ai Zanniat mi CNO/CNDF ai ralkap te in lungkhim lo in cia ZHP mawtaw (ambulance) heh kaap sah tuh sio ti tian in sumpua lam in ponka za ii ing.
Chin huap in Zanniat in ralkap ding in tel thil tuhin IZHP meeting ah reltlang awng ai, cia thu thawn pehzom in Ngalsip (Lumte) Area ca mawtaw lai tuhdan thu khiah May 20, 2021 nia ah General Meeting nai ai, cia meeting ah ZDF (Zanniat Defence Force) ding ai, cia meeting ai relcathnak 6 (b) ah ZDF le CNDF kop dun tuh lo in relcathnak ZHP secretary hnen in i hnen ah lai i hleng ii. ZDF ding hang ti maanin ZDF hotu thawn online in meeting heh June 26, 2021 nia ah reltlang fangin ZDF in CNDF thawn per tlang thu le kul samhnak te kin rel ii. Hetin ZDF ding hang maanin mipui lin in online ah ZDF ding zo thu lai in hlat awng ing. Cia thu heh ramsong te sawn in ZDF ding thu ngan tuh lo in kin kham ii.
CNO/CNDF ding hlan, Webula lam in Panmunchaung-Chaungkhuah lam ah Zanniat mi te tel in raltawng fangin CNF (Chin National Front) ai Chairman Pu Zing Cung khiah March 13, 2021 nia ah lai kuat in kin tawlrel pui tuhin bawmhnak ngen ta awng ing. Pu Zing Cung in CNF Camp Victoria ah Zanniat in palai hlat tuhin kin ti ii. CNF te thawn pehzom in naper tuh in ruat lakah ramsong ai Zanniat in pawlkom kin naihsun ZHP hotu te khiah Champhai ah Falam in meeting kohnak CNO/CNDF sawn dintu in kin cang sah lio ii. Chin miphun kin hat tuh le kin lungrualhnak tuh sawn ruatin kaimah le rampua ai Zanniat pawlkom konghoitu zaimawzat in CNF/A heh pehzom thiam sawn singlai kin daihdan napui, ramsong ai Zanniat te in CNO/CNDF sawn dintu le a ralkap sawn ah tel sio in kin cang sah so ii.
He lai ngan nia tian in ram song ah Zanniat mi in SAC cozah tawng in CNO/CNDF ah lut in raltawng thu heh CNO/CNDF dinhmun in rampua ai Zanniat mipui hnen ah phan takin reldunhnak le sawmdunhnak umh lo ii. Cia lakin ramdang ai Zanniat mi songin bulpak in le group in, mah umhhmun huap Zanniat pawlkom (community) thawn lingdun lo, pehzom dun lo in CNO/CNDF ai Zanniat ralkap te khiah sumsaw in bawm lianglo te khai umh in ling ing. Cetin Zanniat huap in thu rel tlanghnak le sawmdunhnak umh lo in, a bawm bentu te thawn thu rel tlang sawn in, Zanniat huap in rel tlang lo in ramsong lam in fehpui hnak in he lai i ngan nia tian in pehzom thil dan umh lo in kin cang ii.
Hetih bang ai kin thu fehdan lingthiam lo in, "ramdang ai Zanniat pawlkom (community) hotu te heh CNO/CNDF ai Zanniat te bawm hiam lo", ti lam sawn in hlukdun lianglo hnak in kin suak ii.
He lai i ngan nia dinhmun ah CNO/CNDF ai Zanniat ralkap ca thu ruatin CNO/CNDF ai Zanniat hotu te in amah te telhnak pawlkom dinhmun in phan takin laivum huap Zanniat mipui heh thu kin ruah tuh hnak ii. Bulpak in reldun, bawmdun tu pha napui thupui lapui hleng ben tuh lo maanin ii.
I famkhim lo hnak tam ngai songin miphun ca ruatin IZHP hming in meeting sawmhnak ah kin teltu bulpak le pawlkom veksen, le rualpui te veksen vumah anghnak rel cawk lo nai ing.
Miphun le ram ca kuldan le remcangdan sik in tel thiam le per tlang tuh khiah thupui ngai ii.
Ningmah naihla ze.
Salai Tluang Kip Thang
Ex. Secretary General
International Zanniatram Humhim Pawlkom (IZHP)
Nov. 27, 2021
ZHP in ramsong ah harsa bawmhnak ca ian in IZHP meeting ah thu kin relpui maan in Zanniat in raltawnghnak ah bawmdun tuh dan rel tlang thil lo in umh ii.
Zanniatram ah ZHP ding hnua Falam CDM Heroes te in Champhai (India) ah meeting ko ai, cia meeting ah ZHP in hotu pahnih tel in ling ing. Zanniat mi teltu dang te khai umh tuh ii. Cia Champhai meeting in Chin National Organization - Chin National Defence Force (CNO/CNDF) khiah April 13, 2021 nia ah din ii. CNO/CNDF in kontih bangin fehpui in naper tuh ai, ZHP in kon tih bangin tel tuh tihnak te tu IZHP meeting ah kin rel lo maanin ling ban lo ing.
CNO/CNDF ding hnua Zanniat ram song ah CNDF raltawng zirhnak te nai thu khiah ZHP in IZHP meeting ah rampua ai Zanniat pawlkom te hnen ah phan takin rawn dun le reldunhnak umh lo ai, ZHP thawn pehzom lo in kin rel ngio ii. Cia lakin Zanniat ram songah Zanniat mi tam ngai CNO/CNDF ah ralkp in lut in raltawng zir ai harsa ngai tiin sumpua lam sawn in thu za lianglo so ii ing. ZHP lam in mawtaw le harsabawmhnak ca sawn ngenhnak bangin mawtaw hrang bawmhnak thu ah Webula lam ai Zanniat mi CNO/CNDF ai ralkap te in lungkhim lo in cia ZHP mawtaw (ambulance) heh kaap sah tuh sio ti tian in sumpua lam in ponka za ii ing.
Chin huap in Zanniat in ralkap ding in tel thil tuhin IZHP meeting ah reltlang awng ai, cia thu thawn pehzom in Ngalsip (Lumte) Area ca mawtaw lai tuhdan thu khiah May 20, 2021 nia ah General Meeting nai ai, cia meeting ah ZDF (Zanniat Defence Force) ding ai, cia meeting ai relcathnak 6 (b) ah ZDF le CNDF kop dun tuh lo in relcathnak ZHP secretary hnen in i hnen ah lai i hleng ii. ZDF ding hang ti maanin ZDF hotu thawn online in meeting heh June 26, 2021 nia ah reltlang fangin ZDF in CNDF thawn per tlang thu le kul samhnak te kin rel ii. Hetin ZDF ding hang maanin mipui lin in online ah ZDF ding zo thu lai in hlat awng ing. Cia thu heh ramsong te sawn in ZDF ding thu ngan tuh lo in kin kham ii.
CNO/CNDF ding hlan, Webula lam in Panmunchaung-Chaungkhuah lam ah Zanniat mi te tel in raltawng fangin CNF (Chin National Front) ai Chairman Pu Zing Cung khiah March 13, 2021 nia ah lai kuat in kin tawlrel pui tuhin bawmhnak ngen ta awng ing. Pu Zing Cung in CNF Camp Victoria ah Zanniat in palai hlat tuhin kin ti ii. CNF te thawn pehzom in naper tuh in ruat lakah ramsong ai Zanniat in pawlkom kin naihsun ZHP hotu te khiah Champhai ah Falam in meeting kohnak CNO/CNDF sawn dintu in kin cang sah lio ii. Chin miphun kin hat tuh le kin lungrualhnak tuh sawn ruatin kaimah le rampua ai Zanniat pawlkom konghoitu zaimawzat in CNF/A heh pehzom thiam sawn singlai kin daihdan napui, ramsong ai Zanniat te in CNO/CNDF sawn dintu le a ralkap sawn ah tel sio in kin cang sah so ii.
He lai ngan nia tian in ram song ah Zanniat mi in SAC cozah tawng in CNO/CNDF ah lut in raltawng thu heh CNO/CNDF dinhmun in rampua ai Zanniat mipui hnen ah phan takin reldunhnak le sawmdunhnak umh lo ii. Cia lakin ramdang ai Zanniat mi songin bulpak in le group in, mah umhhmun huap Zanniat pawlkom (community) thawn lingdun lo, pehzom dun lo in CNO/CNDF ai Zanniat ralkap te khiah sumsaw in bawm lianglo te khai umh in ling ing. Cetin Zanniat huap in thu rel tlanghnak le sawmdunhnak umh lo in, a bawm bentu te thawn thu rel tlang sawn in, Zanniat huap in rel tlang lo in ramsong lam in fehpui hnak in he lai i ngan nia tian in pehzom thil dan umh lo in kin cang ii.
Hetih bang ai kin thu fehdan lingthiam lo in, "ramdang ai Zanniat pawlkom (community) hotu te heh CNO/CNDF ai Zanniat te bawm hiam lo", ti lam sawn in hlukdun lianglo hnak in kin suak ii.
He lai i ngan nia dinhmun ah CNO/CNDF ai Zanniat ralkap ca thu ruatin CNO/CNDF ai Zanniat hotu te in amah te telhnak pawlkom dinhmun in phan takin laivum huap Zanniat mipui heh thu kin ruah tuh hnak ii. Bulpak in reldun, bawmdun tu pha napui thupui lapui hleng ben tuh lo maanin ii.
I famkhim lo hnak tam ngai songin miphun ca ruatin IZHP hming in meeting sawmhnak ah kin teltu bulpak le pawlkom veksen, le rualpui te veksen vumah anghnak rel cawk lo nai ing.
Miphun le ram ca kuldan le remcangdan sik in tel thiam le per tlang tuh khiah thupui ngai ii.
Ningmah naihla ze.
Salai Tluang Kip Thang
Ex. Secretary General
International Zanniatram Humhim Pawlkom (IZHP)
Nov. 27, 2021
No comments: