Hlanlai pah Zanniat mi tu mah khua le ram, miphun in ding awng lo in ling ing. Hlanlai Lai (Falam) raal san 1800+ kum lam pah mah khua le ram ah zai thu nai lo, Falam lau in nung miphun kin i awnghnak ciah Kawlram (Burma) ram ding hnua tian in kin thinlung le rauhla tian in tun kin san ah miluat (Freeman) kin i lo hnak lar ngai ii.
Zanniat pon hmang, Zanniat ram in pohnak le suakhnak te minung hrimhrim heh "Zanniat mi ii sing" tihnak thinlung nai lo heh 90%+ i tuh ii. Zanniat tu mi bang lo, kon hleng thai lo miphun in ruat sio tam sawn in hmu ing. Mah khua dung tian lek ruat thai, cia vum ah Falam pon hmang te konghoihnak sawn khiah thupui in ruat thai pawl ii.
Umhzia tu Zanniat ram mi le Zanniat pon hmang te pawl vum ah umhtu le khawngtu (Master) heh Falam pon hmang te i ngio maan ii.
He thu rel caang Zanniat mi lala haudunhnak le tawngdun hnak sawn in kin cang sah ṭio.
Zanniat pon hmang, Zanniat ram pui huap in miphun dang te thawn bangran in tel tuh hnak, ding tuh hnak thinlung nai lo mi tam sawn hnak khiah poi ngelngo hnak ber i hang.
Thinlung in miphun nau in ruatdun hnalam tu kin lauhnak le upathnak te ruaihnak bang bangin nung thai, cia te mithmai sik in nung thai li ii.
Zanniat ram, Zanniat pon hmang, Zanniat mi heh thinlung le rauhla lek zolo kin ruangpui tian in miluat (Freeman) i hang selai tiin vakvai hmun ram in cuan ṭio ing.
Comments
Post a Comment