Skip to main content

Politics umhdan tu hetin ii.

By Salai Thangte Laizozanniat
Nau, Van Khua Thang ca Facebook group ai i nganhnak
~~~~~
Politics umhdan tu hetin ii.

NLD, CNLD, USDP te bang party veksen khiah 2008 Daanpui hnia umh maan he party te pawl in 2008 Daanpui khiah rem zel menma thil lo ii.

Zaimaan Election ah tel ii sing?

He thu heh a ngom ah NLD party in 2008 Daanpui hnia ah Election ah tel heh a lungkhim lo ai, 2010 kum ah Election ah NLD tel tuh lo, tiin phuang ai, tel lo ii. NLD tel hiam lo thawn, 2010 kum khiah USDP in tohkham tam ber ngah in cozah per ii. Inapui, 2010 kum election ben ah NLD in rinsanhnak Pi Suu Kyi khiah thawngto hnak in luat pah tu NLD in 2015 Election ah tel tuh ti thio ai, he kum ah NLD in tohkham tam ber ngah in 2020 kum tian cozah per i hang.

Election ah NLD le Daingyinta party te khiah tel hiam lo selai, a tel sun USDP party in tohkham tam ber ngah in cozah per thil ngio ii. Cia lek zo lo, 2010 kum an 2020 tian kum 10 song ah Election in tlinghnak party te in cozah per thil ai, thu nai ve ai, khangsohnak te bawn thil ve tihnak hmu zo ii sing. A thil lo hnak niu tu 2008 Daanpui vum ah thu nai lo ii. Ciamaan, Chin mi in kin khua le ram heh Kawl te in amah te hnia ah daih bangin Parlament/Central lam ah thu nai ze ai, kin daih hnak bang lo in thil fehpui thil ngio hnak heh cang thil tawpin Chin party in ding ve in, Kawl upa konghoitu te thawn bangran in cozah ah thu rel tlang thil tuh ve kin daihnak in CNLD party te bang ding kul hnak ii. Cen, Kawlram cozah in khua le ram ca bawmhnak sumsaw te bang khiah cozah per ngahtu party in tlingtu hluttaw te pawl in mah khua le ram ca khangsohnak tam ngai bawn thil ve maan i fawm ii.

2008 Danpui rem thil awm?

2015-2020 kum tian NLD party in 2008 Daanpui khiah rem thil lo tihnak kin fian zo ii. Rem thil lo hnak songin cozah ah ralkap in tohkham 25% nai ngio hlen ai, ralkap in thu nai roh lai ai, ralkap in bawnhnak 2008 Daanpui hnia ah Party te umh maan ii. Daanpui rem tuhin ralkap te tawngngamtu te thawn rel kul in umh ngio ii. Cia ruatin, Daingyinta te pawl lungrual in Kawl ralkap cozah heh maithal thawn, thu thawn kum 50 vaal tawng hnelhno de ai, hnuataber tu Kawl ralkap cozah lungkhim in Daingyinta le Kawl ralkap tawngdun tuh lovin remhnak thu rel tlang tuhin lungkhim in NCA (Nationwide Ceasefire Agreement) tihnak hming khen tlang ai, cetin cia NCA ai tel te pawl khiah UPC (Union Peace Conference, 21st Century Panglong Conference) tihnak ah Kawl ralkap thawn remhnak bawntu daingyinta pawlkom te pawl (Election ah tel thai Party pawl i lo) le Kawl ralkap cozah pui heh pondun ai, tun hla August hla ah UPC 3hnak to tlang in Kawl ralkap lam in Daingyinta te daihdan Federeal Democracy tihnak ding tlangtuhin a lungkhim thu phuang i hang. He heh NLD party konghoihnak maan i ber lo ai, NLD tu ding lai cozah i maanin a tel ve menma hnak sawn ii. Ciamaan i rel de hnak tu, Kawl ralkap cozah thawn thu rel tuh ngaingai fangin tun ai NLD/CNLD/UDP party te bang Election ah telhnak party te tahin CNF (Chin National Front) te bang ralthuam thawn Kawl ralkap tawng ve hnelhno pawlkom te khiah a thupui roh sawn ii.

Kawlram heh Daingyinta te pawl in daihan Federal Democracy ukhnak in cang tuhin Daanpui thar bawn thil in, Federal Democracy ding hnua tu Chin in kin naihnak CNF te bang kin kuul tuh lo hang ii.

Chin state ah CNLD/Chin party nehhnak co pha tihnak tu hnuata deuh an ngan leh tuh ing.

Comments

Post a Comment

Popular posts from this blog

TUNTENG KAWLRAM POLITICS RUATLANGIN

By Salai Thangte Laizozanniat
Aung San in Burma ram ding tuhin Chin, Kachin le Shan miphun te sawm in Panglong Agreement ciah 1947 kum ah sign tlang ii. Cia ben, rampum huap Election nai ai, Aung San in konghoihnak party AFPFL (Anti- Fascist People's Freedom League) in nehhnak co ai, ramuk tuh dan Danhampui (Costitution) thar bawn tlang ii. Aung San tu 1947 July hla ah mah le cabinet pervo nai veksen tluk ciah rek tuar lio ii. Aung San umh lo hnua 1948 kum January 4 nia ah Burma ram independent ngah ai, Aung San in bawnhnak Danhampui ciah hmang cih ai, ciah heh 1947 Constitution tiin ko ii. General Ne Win in 1962 kum ah ralkap hmangin dinglai cozah lon lio ai, 1947 Constitution ciah lon lio ii. Cie pah Ne Win in cozah thar Revolutionary Council ding ai, cia hmangin kum 12 Kawlram uk ii. Kum 12 cetin uk hnua ah Ne Win in 1973 kum ah amah daihdan in rampum huap lungkhimhnak bawn ai, cia lungkhimhnak in 1974 kum ah cozah thar BSPP (Burma Socialist Programme Party) ding ai, cia party hmangin Ne Win in Kawlram pehzo...
Post a Comment
A vekin siar »

Britain thu ian in laivum ah Gulf oil zuar thil hnak Trump in sut lio

By Salai Thangte Laizozanniat
Laivum ah oil le gas tam ber suak hmun le lang hmun ber heh middle east ram ai Gulf tipui hiang dung ah i ber ii. Gulf tipui lam in laivum kon zong ah lawng ngaw puipui in oil le gas hleng thil tuhin thunaitu ber heh vanzuang in nazi 8 dawng zuang kuul hmun ai umh Britain ram ai London khuapui song ai coffee dawr in hampanhnak lawng lam sumdawng te lamvak tuh dan tawlreltu Lloyd kut ah umh ai, a hming heh Lloyd's of London tiin ko ii. Laivum ai sumsaw tam ngai man thil phur lawng ngaw puipui ciah hmunkhat in hmun dang ah feh tuhin lamlak ah bawngsia tawk thai, buaihnak tawk thai de maanin, cia bang tawk fangin sumsaw in dingpuitu Insurance umh lo in vak ngam de lo ii. Insurance nai lo lawng ciah company le sumdawng te pawl in ring thil lo, hmang ngam de lo ii. Ciamaan in lawng le thilri nai in rin lamlak ah harsa le bawngsia tawk lekhaw sumsaw sung tuh lo in sumsaw ngah leh thilhnak Insurance nai kuul tengteng dinhmun ii. Insurance nai lawng te ca lamvak tuh dan, com thil hmun le t...
Post a Comment
A vekin siar »

Pawlkom naper kin cak thil lo hnak Zanniat dinhmun

By Salai Thangte Laizozanniat
Zanniat movement heh kin san ah a thar in nung pan lai ii. Tunhlan ah Zanniat tidun lo in Khua hming cawi in konghoi de ii. Lumbang mi, Locom mi tiin, cetan Falam mi tidun in hlanta upa le konghoitu te in kin hoidan ii. Kin san ah tu mah ihnak miphun dinhmun in konghoi kin kul, mah miphun in naihnak ram huap in Chin ah veksen thawn camran in tel kin kuul tihnak fehpui caan ii hang. Min Aung Hlaing in ralkapdan in Kawlram uk pan pah in mah miphun le ram huap in ram humhim kuul dinhmun kin hleng ii hang. Miphun in dinhnak ram veksen kom in dinhnak Chinram/ Chinland ding kin kuul dinhmun ii. Cia heh Union tiin khai ko ai, Federal State tiin khai ko ii. Zanniat in miphun le ram ca konghoihnak ah mi thawn camran in ding pan ve hang sing. Hlanlai pah Zanniatram huap in konghoidunhnak umh awng lo kin i maanin pawlkom in naperdan thiam lo hnak tam ngai nai ii sing. Zanniat in ralkap (CDF-Zanniatram) ding hang. Zanniatram huap in kilkhawl dunhnak pawlkom ding kuul maanin ZAB (Zannia...
Post a Comment
A vekin siar »