Skip to main content

2026 kum 78th Chin National Day Journal

By Salai Thangte Laizozanniat
Ottawa ah Chin Community heh i hleng hlan ah mer nawn lo in umh ai, 2011 kim bo ah General Meeting lungkhimhnak in Election bawn in Chin Community pawlkom ciah a thar in nung ruai ii. Election ah tel in i ril ve maanin 2012 kum in 2025 kum tian, karlak ah term 1 election ah tel hiam lo in com awng ing. Kum he hmuah song ah i tawkhnak thuhnok le harsahnak tam ngai. Thupui ber tu Falam pon hmang le Halkha pon hmang karlak remdunlo hnak maan ber ii. 2024 le 2025 kum ciah Falam lam in National Day ah CNF flag tar kin daih lo tiin Canada Chin Pawlpi daihdan ciah Ottawa Chin Community ah kin relpui dek hnak in Falam le Hakha karlak lungkhim lo hnak rohsia kin suak ai, Chin Community in Chin National Day bawn thil lo in com awng ii ing. Chin National Day ah CNF flag tar tuh tiin Chin Community in daan nai lo, rel tlanghnak umh lo napui Canada Falam Pawlpi ai teltu palai te ciah Ottawa Chin Community ah hotu per te in Falam Pawlpi in daihnak ciah Ottawa Chin Community in lungkhim tuhin kin rel pui dek hnak in kin ruat lo hnak thu in kin buai dek awng hnak ii. Cetan kum 2 song Chin Community ah Halkha lam in palai hlat hiam lo in kin buai awng ii.
Cetin kin cang hnua 2025 kum bo lam ah Chin Community heh kum upa lam te hmuah tel lo in, khangthar miniu te lek in konghoi tuhin lungkhimhnak umh ai, khangthar te lek tawkdun in Election tuh in fehpui ii. Kum lam in upa lam i cang tum ve hang thawn, mi ca hnaihnoktu in i cang thai ti ruatin Election ah tel lo ing. Cetin 2026 kum ca konghoitu thar rildun sio i. Konghoitu thar te tawlrelnak in Chin Community thar in 2026 kum tu 78th Chin National Day tluang ngai in hmang tlang thil kin cang ii. Tunhlan bangin Falam le Halkha in buaihnak suak tuh lo in zai bang thanthar/flag khai tar lo lawlaw in bawn ii.
Tun ṭum Chin National Day ah Falam lam in tel tuhin i ruathnak tel lo um bial, Halkha in khai cetih pah ii. Ikhalkhaw, hall dim in tu mi kin tam hlen ii.

Tun kum Chin National Day hrang banner heh design tuhin i ruai khaw, 78th Chin National Day hrang banner niu tu design sah ve ing.



Tun kum in Chin Community phurrit phur kuul lo hang, dap niu in umh menma thil hang in i cang ii.

Kin fate in Chin kin ihnak le Zanniat kin ihnak hih tuh hlen ruatin Zanniat Dawngrolh Laam laam pui pha ti ruatin laam zir pui ing. 78th Chin National Day ah miphun laam ngaingai laam heh cia nia ah kinmah Zanniat te lekin laam kin cang ii. Midang te tu khangthar laa ciah laamhnak in hmang, khangthar laa sa sio ii.




Chin National Day nia ah kin Zanniat fate ca Pathian thu kin reltu Pastor Denis le a innsangnu Peggy ciah kin tel tuhin sawm ingkhaw, kum hmasa lam pahin tun ah kum 70 a khim hang napui, kin tel ṭenṭo zuam, ang kuul ze ii.

Comments

Post a Comment

Popular posts from this blog

TUNTENG KAWLRAM POLITICS RUATLANGIN

By Salai Thangte Laizozanniat
Aung San in Burma ram ding tuhin Chin, Kachin le Shan miphun te sawm in Panglong Agreement ciah 1947 kum ah sign tlang ii. Cia ben, rampum huap Election nai ai, Aung San in konghoihnak party AFPFL (Anti- Fascist People's Freedom League) in nehhnak co ai, ramuk tuh dan Danhampui (Costitution) thar bawn tlang ii. Aung San tu 1947 July hla ah mah le cabinet pervo nai veksen tluk ciah rek tuar lio ii. Aung San umh lo hnua 1948 kum January 4 nia ah Burma ram independent ngah ai, Aung San in bawnhnak Danhampui ciah hmang cih ai, ciah heh 1947 Constitution tiin ko ii. General Ne Win in 1962 kum ah ralkap hmangin dinglai cozah lon lio ai, 1947 Constitution ciah lon lio ii. Cie pah Ne Win in cozah thar Revolutionary Council ding ai, cia hmangin kum 12 Kawlram uk ii. Kum 12 cetin uk hnua ah Ne Win in 1973 kum ah amah daihdan in rampum huap lungkhimhnak bawn ai, cia lungkhimhnak in 1974 kum ah cozah thar BSPP (Burma Socialist Programme Party) ding ai, cia party hmangin Ne Win in Kawlram pehzo...
Post a Comment
A vekin siar »

Pawlkom naper kin cak thil lo hnak Zanniat dinhmun

By Salai Thangte Laizozanniat
Zanniat movement heh kin san ah a thar in nung pan lai ii. Tunhlan ah Zanniat tidun lo in Khua hming cawi in konghoi de ii. Lumbang mi, Locom mi tiin, cetan Falam mi tidun in hlanta upa le konghoitu te in kin hoidan ii. Kin san ah tu mah ihnak miphun dinhmun in konghoi kin kul, mah miphun in naihnak ram huap in Chin ah veksen thawn camran in tel kin kuul tihnak fehpui caan ii hang. Min Aung Hlaing in ralkapdan in Kawlram uk pan pah in mah miphun le ram huap in ram humhim kuul dinhmun kin hleng ii hang. Miphun in dinhnak ram veksen kom in dinhnak Chinram/ Chinland ding kin kuul dinhmun ii. Cia heh Union tiin khai ko ai, Federal State tiin khai ko ii. Zanniat in miphun le ram ca konghoihnak ah mi thawn camran in ding pan ve hang sing. Hlanlai pah Zanniatram huap in konghoidunhnak umh awng lo kin i maanin pawlkom in naperdan thiam lo hnak tam ngai nai ii sing. Zanniat in ralkap (CDF-Zanniatram) ding hang. Zanniatram huap in kilkhawl dunhnak pawlkom ding kuul maanin ZAB (Zannia...
Post a Comment
A vekin siar »

NINGHIO KUUL

By Salai Thangte Laizozanniat
NINGHIO KUUL Zanniat mi khangthar niunawn te hmu fangin konghoitu nailo tuu rual bang ii sing. Zanniat mi heh kin ninghio kuul roh. 1948 kum an Burma ram ding hnua i uham tian, 2020 kum lam tian in Zanniat tihnak miphun heh Zanniatram ah konghoi dunhnak pawlkom nai lo ii. Kin san tian ai kin ling thilhnak tu Bawhlung pawlkom ii, cia rin Run-hlang Bawhlung Pawlkom (RBP) ii. Cia hlan lam ah Run-hlang Siatton in ding awng ti ii. Run-hlang in huap lo hnak te  Lumbang khua tlang lam ciah Sakta ti ii. Sakta le Hlangta tiin kin san tian in remdun lo hnak thu nai bial ii. Zanniat miphun po hmun khua le ram, Zanniatram tu Zanniat hming in ding hnak, Zanniat hming in konghoi dun hnak pawlkom le committee pakhat niu rin umh lo ii. Kum 70 luan lam tian in Zanniat hming in konghoi dunhnak, thu rel tlang thilhnak zai khai umh lo. Mah khua niuniu in ding sio ai, khua khat le khua khat zuamdunhnak, cozah lam thil ti ben deuh te in amahte khua hrang ian ruat in thil bawn thu te za pha t...
Post a Comment
A vekin siar »