Chin ram ah Chin in ziangtin thuneihnak kan co ve thei ding, ti ruatin party 3 komaw in CNLD a ding. Falam peng dinhmun in Pyithu, Amyotha le Pyine Hluttaw in party 1 in Hluttaw 4 lawng cuh theih asi ih, Pyine hrang Falam Nisuaklam le Falam Nitlaklam in Pyine Hluttaw 2 kan nei.
Falam Nisuaklam ih um hrang Pyine Hluttaw cuhnak ah tuṭum ih unau Ngawn lam ih thu fehdan cu ṭhangsonak si lovin, tlaksiat tlangnak ding sawn asi. CNLD party sung ah Falam Nisuaklam Pyine Hluttaw cuh dingin Salai Tawk Za Lian (Zanniat mi) le Pu Con Kheng (Ngawn mi) in Candidate an zuamaw ih, lungkimnak vote in Tawk Za Lian in vote a ngah sawn ruangah CNLD hrang Pyine Hluttaw tohkham a cuh dingin lungkim a rak si. Hmansehla, kan ruat lo ban lo lam sawnin Pu Con Kheng cun CNLD ihsin suaknak ca thehlut in tu hi Independent in Falam Nisuaklam Pyine Hluttaw a cuh thotho ding. Cu hlei ah, CNLD ihsin suakin Independent ih ding duh an um le Ks Ting 100 lai party a phatsan ruangah kuan ter ding khal CNLD sung ih Ngawn upa ih bawmhnak ruangah zianghman kuan ṭul lovin tu hi Pu Con Kheng in Pyine Hluttaw a cuh thotho ding ti a si thlang.
Ziangtin dinglai NLD cozah kan neh thei ding tiin ṭan lak rero lai ah CNLD siatnak ding sawn in le phatsan nak thawn dinhmun le sinak sawn thupi in Ngawn hrang tu vekin Pu Con Kheng ding ter hrim hi tu hnu tiang ih kan Tluanthu ah a hlo nawn lo ding.
Amyotha Hluttaw dingin Ngawn ihsin Pu Thian Uk Thang (Nghepi) in cuh dingin CNLD party hrang lungkim a si ih, Pyine hrang cu Falam Nisuaklam hrang Salai Tawk Za Lian (Zanniat mi) le Falam Nitlaklam hrang Pu No Than Kap (Zahau mi) in cuh ding in CNLD party dinhmun in lungkim tlangnak cu Ngawn lam in an lungkim thei cuang lo hi cu thil mawi lo tak asi. 2010-2020 kum tiang Falam Nisuaklam ihsin Zanniat mi in Hluttaw ṭuan pakhat hman an rak um lo. Duhsaknak thawn thinlung thiang ten a ṭuan theitu pawl hrang vote petu lakah Zanniat pawl an si ve. 2020 kum ah CNLD party ih lungkimnak in Zanniat lam in Hluttaw a cuh ve hi, hiti rori in Ngawn le Zanniat doawnak sawn in Ngawn lam in thu an fehpi hi thil ṭha a suak ding a zumh um lo.
Pu Con Keng in tu vek ih Pyine Hluttaw cuh hrim dingin NLD lam ih Zanniat lak ih upa ṭuan pawl in an tok thu khal theih asi.
Cu lawng si lovin, 2020 Election hrang, Falam Nisuaklam hrang Ngawn lam in hitin campaign tuah rero asi ti khal theih asi.
1) Amyotha Hluttaw hrang Salai Thian Uk Thang (Nghepi, CNLD)
2) Pyithu Hluttaw hrang Pu Kawl Lian Thang (Independent)
3) Pyine Hluttaw hrang Pu Con Kheng (Independent)
Hi thu ruangah a cang dingmi cu:
1) Zanniat le Ngawn huatawknak/remawlonak
2) CNLD cak lo nak ding, NLD/Kawl caknak ding.
Hlanlai British san ihsin Zanniat le Ngawn rualrem ten um ṭheumi kan san ah a siat rero thlang.
Comments
Post a Comment