Salai Tluang Kip Thang LaizoZanniat Blog

Chin State cozah heh MP 24 in dinhnak ii ai, MP 12 vum nai ben te ian in cozah per thil ii. 2015 Election ah Chin State Cozah khiah NLD in MP 12 ian nai ai, Cozah din ben lo ii. Ciamaan, NLD in ZCD (Zomi) ai MP 2 sawm in kopdun cozah dinh in 2020 kum tian cozah per ngah ii. NLD in Daingyinta kop hiam lo ta selai, 2015 Election ah NLD in USDP party ai MP 4 khiah kop in MP 13 vum ngah in cozah dinh kuul tihnak ii. 2020 Election ah NLD in Daingyinta kop tuh lo tiin phuang zo maan NLD MP lekin cozah din ben lo lekhaw USDP/Kawl party dang/Ralkap MP te khiah kop tengteng kuul tuh tihnak ii.

Tunah 2008 kum ai bawnhnak Daanpui khiah tunah 2020 kum lam ah kin lungkhim lo tu au lianglo ii sing. 2008 kum Daanpui bawn fangin tang kin lungkhim lo thu au aw singim? Kawl te in Tlangvum mi heh kin zawl thliahthlo ii. 2008 Daanpui khiah May 2008 kum ah mipui hnen ah lungkhimhnak kin lang ii. Kontih bangin kin lang tihnak tu Kawl in kontin kin zawl tihnak ruat pha tam ngai. Mipui lungkhimhnak in SPDC (Nah Ah Phah) cozah in September hla 2008 kum ah Kawlram mipui lungkhimhnak in Daan thar 2008 Danpui nai thu phuang kio awng ii. Cia a phuang fangin Kawlram mipui tam sawn in tu thupui in ruat cuang lo ii. Cia 2008 Daanpui hmangin 2010 kum ah General Election kin bawn ai, cia Election ah NLD te in Ralkap cozah in Election bawnhnak lungkhim lo tiin tel hiam lovin umh bawn ii. Cetin 2010 kum ah Hluttaw tohkham tam ber USDP in ngah in 2015 tian Kawlram kin uk ii. 2012 kum ah NLD te khai term hrek election (By Election) ah tel leh sal in tohkham tam ber ngah awng ai, 2015 General Election ah...

2020 kum November 8 nia ah Kawlram in rampum huap cozah tuh rilhnak General Election vel 3hnak nai tuh i hang. 2010 kum gneral election ah USDP (Union Solidarity and Development Party) in cozah ngah ai, 2015 kum general election ah NLD (National League for Democracy) in hluttaw tam ber ngah in cozah per ii. General Election in hluttaw tam ber ngahtu in cozah per napui mipui in ril lo in hluttaw ah ralkap in za ah 25 (25%) tohkham nai ii. Mipui in kin daihnak party in cozah per tuhin General Election tuh fangin rohsia zuamdun in umh ii. 1962 kum an 2010 kum bo dawn tian in kum 48 lai mipui in General Election hmangin cozah tuh ril thilhnak umh lo ii. Hetih i maan kontin mipui in Election nai thil tuhin 2010 kum ah thu umh ii? He thu ruat tuhin 2010 kum General Election hlan ah Kawlram uktu te thu fehpuihnak te ruat zianzo kuul ii. Kawlram in General Election nai thil tuhin thu hampantu kin siik fangin Prime Minister General Khin Nyunt in 2003 kum ah thu a phuanghnak in thu nung pan ii. ...

Campaign caan ta hang Party thu le Politics thula, a hnawm le a pha eeldun caan ii. Ikhalkhaw, Election ben lekhaw zaibang party in cozah per selai Kawlram cozah i thotho ii. Kawlram cozah tluanthu com tlangpui tu hetin ii (siar bai tuhin legal pongkam ngaingai hmang lo ing). 1) 1885-1948 kum tian British ukhnak 2) 1948-1960 kum tian Parliamentary ukhnak 3) 1961 kum Union Govt 4) 1962-1997 kum tian (SLORC/Nah Wah Tah = Kawl Ralkap) 5) 1988-2010 kum tian (SPDC/Nah Ah Phah = Kawl Ralkap) 6) 2011- tun kum tian (Unitary Parliamentary Republic/75% Democracy Election) 1948-1988 tian Kawlram heh Union of Burma ii. 1989 kum pan tuntian Republic of Union of Myanmar ii. 2008 Daanpui hmangin cozah heh 25% ralkap thawn Parliament (Hluttaw) to tlang kin siang ii. Cia Hluttaw ah Zanniat mi to ruai nga sing tihnak khiah kin thupui ii. Zaimaan Zanniat pa Hluttaw ah to kuul? 1) Zanniat mi tu kin thinlung tluang ii. Mi thawn rem thai berin umh thai 2) Zanniat mi tu kuung ngai in pervo per ngheuhngho tha...

Chin ram ah Chin in ziangtin thuneihnak kan co ve thei ding, ti ruatin party 3 komaw in CNLD a ding. Falam peng dinhmun in Pyithu, Amyotha le Pyine Hluttaw in party 1 in Hluttaw 4 lawng cuh theih asi ih, Pyine hrang Falam Nisuaklam le Falam Nitlaklam in Pyine Hluttaw 2 kan nei. Falam Nisuaklam ih um hrang Pyine Hluttaw cuhnak ah tuṭum ih unau Ngawn lam ih thu fehdan cu ṭhangsonak si lovin, tlaksiat tlangnak ding sawn asi. CNLD party sung ah Falam Nisuaklam Pyine Hluttaw cuh dingin Salai Tawk Za Lian (Zanniat mi) le Pu Con Kheng (Ngawn mi) in Candidate an zuamaw ih, lungkimnak vote in Tawk Za Lian in vote a ngah sawn ruangah CNLD hrang Pyine Hluttaw tohkham a cuh dingin lungkim a rak si. Hmansehla, kan ruat lo ban lo lam sawnin Pu Con Kheng cun CNLD ihsin suaknak ca thehlut in tu hi Independent in Falam Nisuaklam Pyine Hluttaw a cuh thotho ding. Cu hlei ah, CNLD ihsin suakin Independent ih ding duh an um le Ks Ting 100 lai party a phatsan ruangah kuan ter ding khal CNLD sung...

Nau, Van Khua Thang ca Facebook group ai i nganhnak ~~~~~ Politics umhdan tu hetin ii. NLD, CNLD, USDP te bang party veksen khiah 2008 Daanpui hnia umh maan he party te pawl in 2008 Daanpui khiah rem zel menma thil lo ii. Zaimaan Election ah tel ii sing? He thu heh a ngom ah NLD party in 2008 Daanpui hnia ah Election ah tel heh a lungkhim lo ai, 2010 kum ah Election ah NLD tel tuh lo, tiin phuang ai, tel lo ii. NLD tel hiam lo thawn, 2010 kum khiah USDP in tohkham tam ber ngah in cozah per ii. Inapui, 2010 kum election ben ah NLD in rinsanhnak Pi Suu Kyi khiah thawngto hnak in luat pah tu NLD in 2015 Election ah tel tuh ti thio ai, he kum ah NLD in tohkham tam ber ngah in 2020 kum tian cozah per i hang. Election ah NLD le Daingyinta party te khiah tel hiam lo selai, a tel sun USDP party in tohkham tam ber ngah in cozah per thil ngio ii. Cia lek zo lo, 2010 kum an 2020 tian kum 10 song ah Election in tlinghnak party te in cozah per thil ai, thu nai ve ai, khangsohnak te bawn...

Kawl ralkap cozah in 2008 kum ah daan thar kin bawn sah hnua 2010 kum ah vel-1hnak Election kin bawn ai, 2015 kum ah vel-2hnak kin bawn zo ii. Hetin kum 10 song ah Zanniat mi songin USDP in maw, NLD in maw Pyithu, Amyota le Pyine ah Zanniat mi pakhat khai hluttaw kin per sahtu umh awng lo ii. He kum 10 song ah USDP in maw, NLD in maw Hluttaw ah minung nai te tu a khua le ram ca sumsaw, cozah bawmhnak le khangsohnak te lang th iam sio ai, ralkap rori in uk lai tahin tu a khangso ngai ii. Tun kum 2020 November 8 ah hmailam kum 5 song hluttaw kin per sahtu tuh ril leh tuh i hang sing. Election thu ruat fangin Party maw Minung poimawh tiin eldunhnak in kin dim ii. Zanniat dinhmun in Election thu ruat fangin Party a thupui ngai napui, kin dinhmun in tu minung kin thupui ii. Zanniat mi hluttaw ah MP/MLA kin per sah tu tuh nai tuh kin thupui ber ii. He thu rel fangin NLD lo tu tiin ruat thai ii. 2015-2020 tian NLD party in cozah kin per sah khaw ralkap thunaihnak eel ben cuang lo, ralkap daan...