Skip to main content

Falam peng raltawngdan le politics fehdah hlir kongin

By Salai Thangte Laizozanniat


Tun dung Falam Peng (Township) ai Nisuak lam ram ai Zanniat ram lam ah bai lo in raltho, mipui lam le SAC kapdun in thi lianglo, mipui te lau in khua hlum in kon zong ah relh in tlan lianglo. Cia lakin SAC in cozah tlawng te hongin tlawngta te tlawngkai ruai tuhin thu umh ii. Falam peng in dinhnak mipui ralkap CNO/CNDF lam in SAC in honghnak tlawngkai lekhaw khuasong ah raltho tuhin hring dun lianglo in thu umh ii.

Kin raltawngdan Falam peng dinhmun siik fangin, SAC umhmun ber Falam, Tibual, Rihkhawdar khuapui te bang ah dap liang ai, Falam an nisuak lam, Run tipui (Manipur River) khat lam, Nisuak lam ai Zanniat ram sawn ah raltho dek in umh ii. Zanniat ram heh SAC hmunpui Kalay le Falam karlak ah umh ai, Kalay in Falam feh tuh SAC ralkap te lam lakin kaap hmun in cang ai, a kaapdunhnak in Zanniat ram song ai khua te tu pitar putar te tian in kon zong ah tlaan kuul in umh ai, Mizoram lam tian tlan vut thil lo in Falam le Kalay khuapui dung ah been lianglo kuul in umh ii. Kin raal tawngdan sik in SAC umhmun ber te tu him meng ti a lin ii. Run (Manipur river) an Nikhum lam ram ah raltho lo tihnak a lin ii.
Tuntian Falam peng in fehpui hiamhnak Politics heh zai ber ii tihnak ruat pha tam ngai ii. Falam peng politics heh tun teng tu CNO/CNDF kut ah umh in cang ii. Tuntian kon lam hoi in fehpui tihnak a fiang lo ai, a kul dan bangin raltawng in umh in laar ber ii. CNO ai teltu Zanniat konghoitu hrekkhat ponka bang i lekhaw CNO in Falam peng ah amah te daihdan in zalenhnak phuang tuh, mipui te hrang tlawngkai thilhnak te tian tawlrel tuh bangin ponka umh ii.

Cia lakin tunah SAC in tlawng te hong in tlangkai tuhin thu umh fangin CNO in kham tum ai, khuapui song ah raltho tuhin thu umh so i hang.

Mipui in dinhnak party le ralkap in Falam peng uk ben lawlaw selai, SAC ring lo in mah niu in cozah ding ben lawlaw selai tu a daan dang tuh ii. Cia bang i tuhin Falam peng song ah SAC ralkap te hnawt sio ben, SAC in office nai lo lawlaw in dah thil lawlaw selai tu cang thil tuh ai, cia bang ram heh Liberated Area tiin ko de ii. Falam peng heh Liberated Area in bawn ben tuh awm, ruat pha tam ngai ii.

Falam an Nisuak lam ram Zanniat ram ah raltho li hnak in phathnemhnak ngaingai umh lo tihnak a lin zo ii. Zanniat ram song ah raltho maan Falam peng song ai SAC te sunghnak le tlan sio tuh hnak in i cuang lo ai, Falam khuapui ah him ngai in SAC te to meng hlen thotho ii.

Raltho in SAC hnia ah umh hiam lo ta cengmang Falam peng heh zalen ram (Liberated Area) in bawn lawlaw kuul ii. Falam khuapui lang ben lo in rin Falam an Nikhum lam ram khiah lang ben selai, Tibual lam, Rikhawdar le Tio (Chin state le Mizoram ramri) khiah mipui ralkap kut ah dah ben lio selai pha tuh ii. Kawlram le India ramri lutsuak thilhnak heh mipui kut ah umh ben selai, raltawng le raltlan hrang, sumsaw sihnak (business) lam tian in phathnemhnak tam ngai umh tuh ii.

Falam peng (Township) ram pui heh mipui in uk ben lawlaw in, SAC te umh thil lo lawlaw in lang ben hlong lo in umh lekhaw ram ukdan le mipui karlak ruatin SAC thawn remrel kul in umh thai ii.


Comments

Post a Comment

Popular posts from this blog

HISTORICAL HEGEMONY, TRIBAL LINEAGE, AND MODERN DISUNITY IN CHINLAND

By Salai Thangte Laizozanniat
REPORT: HISTORICAL HEGEMONY, TRIBAL LINEAGE, AND MODERN DISUNITY IN CHINLAND - by Salai Tluang Kip Thang Topographic view of Falam Township of Chin hils on Google Map, May 11, 2026. I. Historical Expansion and the Rise of the Tlaisun Hegemony (18th–19th Centuries) The roots of today’s geopolitical and tribal tensions in Chinland can be traced to the expansion of the Tlaisun (Tashon) chiefdoms during the 18th and 19th centuries. Centered in present-day Falam, the Tlaisun established one of the most influential powers in the Chin Hills through aggressive military expansion, tribute systems, and slave-raiding economies. At the height of their influence, Tlaisun authority extended beyond modern Falam into the Lushai Hills (present-day Mizoram), parts of Manipur, and the Chindwin River lowlands, including areas such as Minkin and Mawlaik. This expansion transformed Falam into the dominant regional power long before British colonial intervention. The old Fahlam dynasty, prior to the British ...
Post a Comment
A vekin siar »

CC/CNA in Falam Ting??

By Salai Thangte Laizozanniat
Tunnai kin rualpa hnen in he ponka za ing. Thil umhdan ruat lo hrang tu cetin tun dung Falam township ai thil canghnak thu ah innhnen te in online in hlivua hmut dek hnak hiip thai te in cetin ruat lianglo tuh peu ii. Thu umhdan tu hetin ii. 2023 kum November 13 ah Chinland Council ralkap te in Falam township song Myanmar le India ramri ai Rikhawdar khua le Khawmawi ai Tatmataw ralkap camp ciah lang ngah ii. He Tatmataw camp langhnak ah CDF-Zanniatram ralkap te tel in harsa rohin langhnak awng ii. Cia hnua CNO (Chin National Organization) le a rualpui ralkap pawlkom CB (Chin Brotherhood) in 2025 April 7 nia ah hla 5 song tawngdun hnua Falam khuapui ciah lang ngah awng ai, a ang ze in "Falam duai ni kan nei lo." tiin ramcang ah puai bawn in laam tlang thlurhthlo awng ii. Cia hnua a rai lo pah CNO/CNDF in 2025 kum July 5 nia ah CC in Tatmataw kut ai lang in kilkhawlhnak Rihkhawdar ciah kaap ai, CNA ralkap pakhat thi, CDF-Hualngoram ralkap le mipui lam in thi, mipui 3,000 lai Mi...
Post a Comment
A vekin siar »

NINGHIO KUUL

By Salai Thangte Laizozanniat
NINGHIO KUUL Zanniat mi khangthar niunawn te hmu fangin konghoitu nailo tuu rual bang ii sing. Zanniat mi heh kin ninghio kuul roh. 1948 kum an Burma ram ding hnua i uham tian, 2020 kum lam tian in Zanniat tihnak miphun heh Zanniatram ah konghoi dunhnak pawlkom nai lo ii. Kin san tian ai kin ling thilhnak tu Bawhlung pawlkom ii, cia rin Run-hlang Bawhlung Pawlkom (RBP) ii. Cia hlan lam ah Run-hlang Siatton in ding awng ti ii. Run-hlang in huap lo hnak te  Lumbang khua tlang lam ciah Sakta ti ii. Sakta le Hlangta tiin kin san tian in remdun lo hnak thu nai bial ii. Zanniat miphun po hmun khua le ram, Zanniatram tu Zanniat hming in ding hnak, Zanniat hming in konghoi dun hnak pawlkom le committee pakhat niu rin umh lo ii. Kum 70 luan lam tian in Zanniat hming in konghoi dunhnak, thu rel tlang thilhnak zai khai umh lo. Mah khua niuniu in ding sio ai, khua khat le khua khat zuamdunhnak, cozah lam thil ti ben deuh te in amahte khua hrang ian ruat in thil bawn thu te za pha t...
Post a Comment
A vekin siar »