Salai Tluang Kip Thang LaizoZanniat Blog

Hlanlai ah lailung minung te'n inn sang roh sa awng ai, cetan pong phuncang zaai in piak berh awng thu khiah Bible (Gen. 11:1-9) ah Babel tiin ngan in umh ii. Cia heh kin pon in Babel lungdawl tiin rel de ii. Cia Babel inn sang roh khiah a takin umh awng awm? Babel inn sang ciah kon hmun ber zong fang in mi tam ngai in hlanlai Babylon khuapui umhmun ai lungdawl hmingthang Etemenanki (Sumeria pon in 𒂍 𒋼𒀭𒆠 É.TEMEN.AN.KI "temple of the foundation of heaven and earth") khiah i thai ii. Tun kin san ah cia innsang lungdawl khiah Iraq ram ai Baghdad khuapui an hlanglam (south) kilometre 90 dung ah umh ii. Euphrates ruunti pui song ai luthnak ruunti kaak hiang ah umh ii. Etemenanki umhhmun ram khiah Euphrates le Tigris ruunti pahnih nongdun in luang hmun ram zawl ngai ii ai, cia tipui pahnih khiah tun kin san ah Persian Gulf tiin ko hnak tipui ah lut ii. Hlanlai ah he hmunzawl ram kau roh khiah miphun dangdang fimthiamhnak khangso hmun i awng ii. He hmun ai umh aawng te khiah...

Vaikhat tu zan khuathim lai, Hlapa (Moon) bial in tleu roh caan ah kin innsang zavek in mawtaw in vak ii ing. Mawtaw to kongin i fanu uhamber in, "I pa, van ai Hlapa (Moon) in kin feh hmun caang ah kin hlun ii. Zaimaan ii? tiin i zawt ii. "Hlapa tu kin lailung in hmun hla ze ah umh maan kin hleng hmun cang ah kin vum ah umh meng bangin lin hnak ii", tiin sawn ing. 2021 kum Christmas kin hleng ai, arsi thu zong zianzo ingkhaw, laivum ah a nung Pathian heh minung ah cangin nausen in a suak lai ah van ah aarsi tleu roh laar in mifim te hoi thu ruat ngah li ing. Bethlehem Aarsi thu ciah tuntian laivum ai van lam mithiam (Astronomers) te in thilmak in ruat ai, a cang thil dan phuncang in reel lianglo vek ii. Ciabang songin a ruathnak phunkhat tu; tunah van ai kin hmu thilhnak te songin kin lailung bang lailung dang (planet) dang te i thai in ruat ruathnak umh ii. Ni (Sun) heeltu lailung tam ngai songin 7 BC kum ah Jupiter le Saturn khiah vai thum tawkdun ai, a kum leh ah Mars...

The Fall of Man  (1628-1629) by Rubens Sual (Mirang in Sin) tihnak heh Christian zapui in kin sangdan tu minung hmasaber Adam le Evi (Eve) in Pathian in ai tuh lo in relhnak thingthai ai hnak in minung heh nu songin kin te pah sual (sin) nai cia in suak in sang ii. Cia minung kin ihnak in telhnak sual heh Mirang in Original Sin ti ii. Hemi Original Sin doctrine hampanhnak thu zong fangin Saint Agustine (354 AD - 430 AD) in amahte san ah mipui te cuuk de ti ii. Cia doctrine heh Bible song ai Genesis 3:17-19 ai thu sirhsan ii. Christian te in kin sanghnak thu hampui ber kin langhnak ber khiah Jews (Judah miphun) ai laibu hlun Bible song ai ii. Cia Bible nai hmasaber te Jews miphun te in Christian tam sawn in sanhngak original sin thu ciah sang ve awm tihnak ruat kul ngai ii. Jewish Virtual Library website ( https://www.jewishvirtuallibrary.org/ ) sik fangin minung ciah a nu songin te pah in sual nai cia tihnak sang lo thu le lungkhim lo thu fiang ngai in ngan ii. Jews te sangdan in m...