Skip to main content

Ruat de aw singim?

By Salai Thangte Laizozanniat

Zanniat pon hmang, Zanniat mi tihnak heh hlanlai pah paai tuhin thula phuncang umh de ii; Kawlram/Burma ram ding hlan pah in. Kin san tian in a paai thil ngaingai lo ii. Tluanthu umhdan le politics fehdan te sik fangin Zanniat heh a paai tuh zo hnak napui paai thil lo in nung hlen ii.


Falam peng ah a nung Pathian sang hmasa le Bible nai hmasa, Pathian labu nai hmasa thu kin zong fangin Zanniat in a hmasa awng ii.
Mi hrekkhat te ruat dan tu, a larlar, mi tamtam telhnak ah umh khiah mifim dan, khangsohnak ti de ii. A dikhnak tam ngai ii. Rome (Roman Empire) ram ah umh lekhaw Rome dan in nung pha tiin forhdunhnak ponka za de ii sing. Ikhalkhaw, hnawm thil lo, cak ber in ruathnak thiir (iron) bang in kho rohhnak Roman Empire pui tu paai ve lio ii. Laivum pui uk ben British Empire pui rin paai zo ii. Hlanlai ah Kawlram ah Pyu miphun khiah a khangso in a cak ngai, siangpahrang te tian nai in China emperor in rin kihzah awnghnak i awng napui, tunah Kawlram ah Pyu miphun hmu pha umh lo hang ii.

Pathian in laivum a bawn fangin thil phunkhat ian umh tuh, nung tuhin bawn lo ai, bangdun lo phuncang umh tlang tuhin kin lo bawn ii.

Bangdun lo phuncang umtlang pha tihnak heh Science in biology lam in rel pha tam ngai ii. Santenhnak in thing le nunghing phunkhat ian heh tam ngai in umh selai, a daihtu te in tu pha ngai, cetih tuh hnak, tiin ruat thai ii. Ikhalkhaw, laivum danglamhnak le urhnak (disease) maan in thil phunkhat ian umhnak khiah hnawmcan ngah lio lekhaw cia thing le nunghing khiah tunhnua tian hmu pha umh lo tian in a ci paai lio (extinct) thai lio ii. Ciamaan, science lam in sik fangin thil phunkhat niu ian umh pha lo, phun dangdang umh kul ai, a roih dun kul, a umh tlang kul ti ngio ii. Cetih fang ian in nunhnak heh tunhnua lam tian in laivum ah umh thil hlen tuh ti ii.

Thil phuncang lang thiam, hmang thiam miphun heh aisu te tiin kin sik fangin English te ii. Laivum ah English mi umhnak rori England ram tu a beuh niu ii. Hlanlai ai English pon le kin san ai hmanghnak English rohsia in danglam ii. Laivum ah English lo in Science lam research bawn thil lo tlukin English pon heh hmang remcang in, a khim ngai ii. Literature le Academic lam in English tahin remcang pon khangso umh lo ii. English pon a khangsohnak kin sik fangin laivum ai pon phuncang lang zianzo ai, English heh pon khim ber in cang sinsin ii. Online in sik thilhnak Merriam-Webster English dictionary ah tun kum 2021 songah cafang (word) 520 thun bet zo ai, hetin kum siar word a thar thun bet tio ii.

Cia bang te ruat zianzo in, Zanniat mi, Zanniat pon paai ruai tuh lo khiah thil pha i hlen ii.

Rauhla lam in ruat in, hlanlai pah Zanniat mi le Zaniat pon heh paai tuh zo hnak napui, a nung hlen maan a nung Pathian in a daihnak umh i tuh ii.

I lai i siar sah zuamtu te, ningma naihla...
Tluang Kip Thang

Comments

Post a Comment

Popular posts from this blog

TOWNSHIP UKHNAK LE MIPHUN IN UKHNAK RAM DINHMUN RUATIN

By Salai Thangte Laizozanniat
Kin Chin miphunpui huap in kin politics fehpuidan sik fangin Tribal Politics in kin buai ber ngio. Pupa san in kin naihnak ram nai thil tuh kin thupui ber in laar. 1948 kum ah Burma ram din pah Chinland ukdun tuh dan Chinmi upa te in idea fumfe nai cia lo hnakin tun kum 77 kin khim zo tian ram uk tuh dan ah kin buai miahmo lai. Chinland heh 1948 kum ah Burma ram ding fangin Chin Special Division tiin ding hnak ii. Chinland heh 1974 kum ah Chin Special Division tihnak Chin State in cang ai, tuntian Chin State ii. Kawl in tu State (Pyi) kin ti lo ai State tahin niam sawn Pyine kin ti ii. Burma ram ding pan in tuntian Chinland ukdan siik fangin ram heh 9 in khan ai, 1948 kum dung ai khuapui hming pe in Township 9 in kin khan ii. Township ukhnak siik fangin pupa san in nai cia hnak ram huap in ukdunhnak i lo hnakin tuntian kin buaihnak ber ii. Town awh bentu miphun te hrang dinhmun pha roh, Town ah thunai ben lo miphun te tu khangso thil lo le hlaihdanhnak phuncang umh de ii. Santehhnak in...
Post a Comment
A vekin siar »

Lushai pon in Facebook ah Chin National Day thu i comment hnak

By Salai Thangte Laizozanniat
Link: https://www.facebook.com/share/p/1F559Gh8kK/   
Post a Comment
A vekin siar »

DAWNGPUI (New Year)

By Salai Thangte Laizozanniat
Since ancient times, long before the existence of mainstream calendars like the Gregorian Calendar, a distinct tribe called the Zanniat has celebrated a tradition known as Dawngpui . This annual festival, passed down through generations, marks the beginning of a new year. Among the Chin ethnic groups, many tribes celebrate a harvest festival every year. Most tribes, however, do not have a specific date for their celebrations. For the Zanniat tribe, the first day of the new year has been consistently marked by the full moon in October, according to the Gregorian Calendar. In 2024, October 17th is especially significant as the Hunter's Supermoon—the largest full moon of the year—rises, making this year's Dawngpui celebration even more meaningful. One particular tribe claims that their harvest festival should be recognized as the Chin New Year. However, their ancestral tradition lacks a specific day that marks the beginning of the year. Given the precision ...
Post a Comment
A vekin siar »