Skip to main content

𝗭𝗛𝗣/𝗜𝗭𝗛𝗣 𝗧𝗛𝗨 𝗟𝗘 𝗔𝗡𝗚𝗛𝗡𝗔𝗞

By Salai Thangte Laizozanniat

February hla thar, 2021 kum pah SAC (State Administrative Council) in Kawlram cozah ukhnak lang lio pah Kawlram le Chin state ah buaihnak le harhnak phuncang hleng ii. Ciabang harhnak le buaihnak lak ah Zanniatram le miphun kilkhawldunhnak tuh le bawmdun tuhdan ruatin April 3, 2021 nia ah laivum huap in, Kawlram te sawm in online in Zanniat Defence Emergency Meeting ko awng ai, cia meeting in ramsong le rampua thawn pehzomhnak ah ram cangcang ai Zanniat pawlkom hotu te thawn meeting tuhin tawlreltu le sawmtu tuhin kaimah pervo i pe ii. Cia hnua April 4, 2021 nia ah Zanniatram song ai Lumte khua ah meetinghnak umh ai, cia meeting in ZHP (Zanniatram Humhim Pawlkom) ding ai, ZHP ca mi pakua (9) in committee din ii.

ZHP ding hnua rampua in April 10, 2021 nia ah ramsong te sawm in meeting nai ii ing. Cia meeting ah Laitlang (Chin state), Malaysia, India, Australia, Canada le USA in Zanniat pawlkom ding cia te hotu te tel in thureltlanghnak in IZHP (International Zanniatram Humhim Pawlkom) ding ii. IZHP konhoidun tuhdan thu ah Secretary dan in fehpui tuhin lungkhim ai, pervo hming heh Secretary General (S.G) i tuhin lungkhimhnak nai ai, hampanhnak in kaimah (Tluang Kip Thang) in S.G per tuhin lungkhimhnak nai ii ing.


IZHP kin ding hnua he lai i ngan tian in a hnia ai nia bangin online ah tawkdun meeting totlanghnak ii ing.
1) May 9, 2021
2) May 18, 2021
3) May 22, 2021
4) June 26, 2021
5) July 10, 2021 (IZHP Emergency Meeting)
IZHP konghoidan heh S.G (Secretary General) in ramsong ai ZHP hotu te man caan sik in rampua ai Zanniat pawlkom hotu te thawn meeting totlang in thu reltlang ii ing.
Ramsong ZHP in miur/mithi phurhnak mawtaw (ambulance) kul thu IZHP ah reltlanghnak nai ii ing. ZHP in Ngalsip Area hrang le Thangpawl Area ca ambulance ca committee a ce veve in ding thu kin than ai, cia hrang ah IZHP ai teltu Zanniat pawlkom te songin sumsaw thawh tlangin ambulance lai ii. Ngalsip Area ca Canada ai ZCCC (Zanniat-Chin Community Canada) in thawh ai, Thangpawl Area ca ZCCA (Zanniat Chin Community of Australia) in sumsawh thawh in lai zo ii.
Ramsong ZHP in Zanniatram song ah harsa te kilkhawl le harsa bawmhnak ca IZHP ai teltu Zanniat pawlkom te songin Malaysia, India (Delhi), Australia, Canada le USA in ben tawk in sumsaw in bawmhnak nai tlang ii.
Laitlang huap ca ZHP ding hnua Kalaymyo ah ZHP ding kul in umh ai, June 29, 2021 nia ah ZHP Kalaymyo ding ii. ZHP Kalaymyo in ambulance kul thu phuang ai, ramsong le rampua in bulpak in sumsaw thawhtlanghnak in ambulance lai zo ii.
Hetin, ZHP hmingin Zanniat in miur/mithi phurhnak mawtaw (ambulance) pathum (3) nai i hang sing.
ZHP le IZHP ding hnua kin kul berhnak tu pawlkom konhoidunhnak daanhampui (Constitution) heh nai vual kin kul in umh ii.
ZHP in tun teng ah mipui in harsa tawkhnak ber COVID-19 ur lakin himhnak le kilkhawldunhnak ca kulhnak te cang thil tawp in tawlrel ii. COVID-19 hik sikhnak, ur dangdang ca si, fang le siti, mithi umh fangin vui sah in cang thil tawpin naper teng ii.
Zanniatram huap in, Sakta le Hlangta ti umh nawn lo in ZHP ding in konghoidunhnak heh Zanniat tluanthu ah thupui ngai ii. Zanniatram le Zanniat mi lungrualhnak le khangso hnak i tuhin, bawmdun in kilkhawldun sinsin nga sing.
Anghnak le daihsah dun in
𝑻𝒍𝒖𝒂𝒏𝒈 𝑲𝒊𝒑 𝑻𝒉𝒂𝒏𝒈
Secretary General
International Zanniatram Humhim Pawlkom (IZHP)
July 31, 2021
Ottawa, Canada🍁

Comments

Post a Comment

Popular posts from this blog

HISTORICAL HEGEMONY, TRIBAL LINEAGE, AND MODERN DISUNITY IN CHINLAND

By Salai Thangte Laizozanniat
REPORT: HISTORICAL HEGEMONY, TRIBAL LINEAGE, AND MODERN DISUNITY IN CHINLAND - by Salai Tluang Kip Thang Topographic view of Falam Township of Chin hils on Google Map, May 11, 2026. I. Historical Expansion and the Rise of the Tlaisun Hegemony (18th–19th Centuries) The roots of today’s geopolitical and tribal tensions in Chinland can be traced to the expansion of the Tlaisun (Tashon) chiefdoms during the 18th and 19th centuries. Centered in present-day Falam, the Tlaisun established one of the most influential powers in the Chin Hills through aggressive military expansion, tribute systems, and slave-raiding economies. At the height of their influence, Tlaisun authority extended beyond modern Falam into the Lushai Hills (present-day Mizoram), parts of Manipur, and the Chindwin River lowlands, including areas such as Minkin and Mawlaik. This expansion transformed Falam into the dominant regional power long before British colonial intervention. The old Fahlam dynasty, prior to the British ...
Post a Comment
A vekin siar »

CC/CNA in Falam Ting??

By Salai Thangte Laizozanniat
Tunnai kin rualpa hnen in he ponka za ing. Thil umhdan ruat lo hrang tu cetin tun dung Falam township ai thil canghnak thu ah innhnen te in online in hlivua hmut dek hnak hiip thai te in cetin ruat lianglo tuh peu ii. Thu umhdan tu hetin ii. 2023 kum November 13 ah Chinland Council ralkap te in Falam township song Myanmar le India ramri ai Rikhawdar khua le Khawmawi ai Tatmataw ralkap camp ciah lang ngah ii. He Tatmataw camp langhnak ah CDF-Zanniatram ralkap te tel in harsa rohin langhnak awng ii. Cia hnua CNO (Chin National Organization) le a rualpui ralkap pawlkom CB (Chin Brotherhood) in 2025 April 7 nia ah hla 5 song tawngdun hnua Falam khuapui ciah lang ngah awng ai, a ang ze in "Falam duai ni kan nei lo." tiin ramcang ah puai bawn in laam tlang thlurhthlo awng ii. Cia hnua a rai lo pah CNO/CNDF in 2025 kum July 5 nia ah CC in Tatmataw kut ai lang in kilkhawlhnak Rihkhawdar ciah kaap ai, CNA ralkap pakhat thi, CDF-Hualngoram ralkap le mipui lam in thi, mipui 3,000 lai Mi...
Post a Comment
A vekin siar »

NINGHIO KUUL

By Salai Thangte Laizozanniat
NINGHIO KUUL Zanniat mi khangthar niunawn te hmu fangin konghoitu nailo tuu rual bang ii sing. Zanniat mi heh kin ninghio kuul roh. 1948 kum an Burma ram ding hnua i uham tian, 2020 kum lam tian in Zanniat tihnak miphun heh Zanniatram ah konghoi dunhnak pawlkom nai lo ii. Kin san tian ai kin ling thilhnak tu Bawhlung pawlkom ii, cia rin Run-hlang Bawhlung Pawlkom (RBP) ii. Cia hlan lam ah Run-hlang Siatton in ding awng ti ii. Run-hlang in huap lo hnak te  Lumbang khua tlang lam ciah Sakta ti ii. Sakta le Hlangta tiin kin san tian in remdun lo hnak thu nai bial ii. Zanniat miphun po hmun khua le ram, Zanniatram tu Zanniat hming in ding hnak, Zanniat hming in konghoi dun hnak pawlkom le committee pakhat niu rin umh lo ii. Kum 70 luan lam tian in Zanniat hming in konghoi dunhnak, thu rel tlang thilhnak zai khai umh lo. Mah khua niuniu in ding sio ai, khua khat le khua khat zuamdunhnak, cozah lam thil ti ben deuh te in amahte khua hrang ian ruat in thil bawn thu te za pha t...
Post a Comment
A vekin siar »