Skip to main content

Falam Vs Zanniat

By Salai Thangte Laizozanniat


Falam peng ah Falam/Laizo pon ian zir tuhin thu umh maan i lethnak lai


Image may contain: text


Pon le Calai thu rel fangin miphun thu rel tel ngio kul de ai, miphun thu rel lekhaw Falam thu rel kul de ii. Zanniat mi kin i maanin Zanniat thu rel lekhaw kin hnok lo, mah miphun tu iit kul tihnak thinlung nai sio ii sing. Miphun ithnak tu laivum ah miphun dang te in khai nai ve sio ai, a it thiamthiam te heh miphun dang vum ah dinhmun nai le uktu in cang de ii. Kin miphun thu rel fangin Falam thu rel tel kin kul ngio de le a hiam lo ngai ii. Kin Zanniat mi mithiam le laithiam, konghoitu hmasa lam veksen khiah sik fangin Falam in umh sio ii. Falam thu cangkheng in i rel dehnak maan kinmah Zanniat mi song lala te hnen in lungkhim lo tu le ngaih lo tu, thubuai i tawkhnak tam ngai hang.

Thula tahang rel kuul caan ah rel pha ti bangin reltlang nga singkhaw. Hlanlai kin pupa san lam pahin Zanniat heh mah niu in ding awng lo, mah niu in ukdun hnak nai ben lo ii sing. Tun kin san tian in Zanniat heh mah lala ukdunhnak le konghoidunhnak nai lo ii singkhaw, politics in rel ngaingai tuh le singkhaw. British in Chin hills a uk hlan lam pahin Falam hnia ah umh ii sing. Cia hnua British/Japan le tunah Kawl (Bamar) ukhnak hnia ah kin umh tianin Falam hnia ah umh ii sing. Hebang thu maan Zanniat dinhmun le Chin dinhmun ai kin politics umhdan ruatin Zanniat heh Falam in luat kin kuul tiin tunhlan lam pahin i au hnak ii.

Pon/Calai thu relin, hlanlai pah tuntian in Falam pon le Falam hnia ah khang ii singkhaw. Thu fehdan siikin Zanniat pon le Zanniat mi, Zanniat ram heh paai sio tuhnak ii. Zanniat mi kin danglamhnak pakhat i hmuhnak tu, minung kin pung cak ngai ii. Social le politics ah kin cak lo napui minung (population) ah kin pung cak maanin a paai thil ngaingai lovin kin taang rih i ni maw, tiin ruat de ing. He thu ruatin Locom khua tluanthu i zahnak ah, tunah Locom khua heh vai 3 a ding lehnak in ling ing. Falam in siatsuah dek awng ai, paai thil ngaingai lo maan hnuataber ah Locom khua ah umh siang leh awng ti ii.

Calai thu rel fangin English cafang hmangin kin pon in cafang kom tuhdan le a aw suah tuh dah heh kin kulhnak ber in hmu ing. Cia kin thiam hnalam tu Chin pon zai bang khai pong kin thiam hnalam ngan thil sio, siar thil sio ii. Sentence le word hmang tuhdan tu mah miphun in tumce in nai ve sio dan ii.

Calai khangso kin daih i lekhaw miphun pakhat ai pon ian hmang hiamhnak thinlung heh lon kin kuul ii. Laivum ah English ngaingai heh tlawm niu ii. Ikhalkhaw English in a pon khangso tuhin pon phuncang ai lang zianzo in English ah thun sio hnak in kum siar English dictionary ah a thar tam ngai thun kul tio in umhh ii. Ciabang thinlung nai lo ai, miphun paai ruai hiamhnak in miphun dang ai pon ian zir ruai, hmang ruai sio kin hiam i lekhaw a khangso tuh bangin khangso tuh lo ii.

Image may contain: text
Image may contain: text
Image may contain: text
No photo description available.
Image may contain: text
Image may contain: text
Image may contain: text
Image may contain: text
Image may contain: text
Image may contain: text
Image may contain: text
Image may contain: text

Comments

Post a Comment

Popular posts from this blog

TOWNSHIP UKHNAK LE MIPHUN IN UKHNAK RAM DINHMUN RUATIN

By Salai Thangte Laizozanniat
Kin Chin miphunpui huap in kin politics fehpuidan sik fangin Tribal Politics in kin buai ber ngio. Pupa san in kin naihnak ram nai thil tuh kin thupui ber in laar. 1948 kum ah Burma ram din pah Chinland ukdun tuh dan Chinmi upa te in idea fumfe nai cia lo hnakin tun kum 77 kin khim zo tian ram uk tuh dan ah kin buai miahmo lai. Chinland heh 1948 kum ah Burma ram ding fangin Chin Special Division tiin ding hnak ii. Chinland heh 1974 kum ah Chin Special Division tihnak Chin State in cang ai, tuntian Chin State ii. Kawl in tu State (Pyi) kin ti lo ai State tahin niam sawn Pyine kin ti ii. Burma ram ding pan in tuntian Chinland ukdan siik fangin ram heh 9 in khan ai, 1948 kum dung ai khuapui hming pe in Township 9 in kin khan ii. Township ukhnak siik fangin pupa san in nai cia hnak ram huap in ukdunhnak i lo hnakin tuntian kin buaihnak ber ii. Town awh bentu miphun te hrang dinhmun pha roh, Town ah thunai ben lo miphun te tu khangso thil lo le hlaihdanhnak phuncang umh de ii. Santehhnak in...
Post a Comment
A vekin siar »

Lushai pon in Facebook ah Chin National Day thu i comment hnak

By Salai Thangte Laizozanniat
Link: https://www.facebook.com/share/p/1F559Gh8kK/   
Post a Comment
A vekin siar »

DAWNGPUI (New Year)

By Salai Thangte Laizozanniat
Since ancient times, long before the existence of mainstream calendars like the Gregorian Calendar, a distinct tribe called the Zanniat has celebrated a tradition known as Dawngpui . This annual festival, passed down through generations, marks the beginning of a new year. Among the Chin ethnic groups, many tribes celebrate a harvest festival every year. Most tribes, however, do not have a specific date for their celebrations. For the Zanniat tribe, the first day of the new year has been consistently marked by the full moon in October, according to the Gregorian Calendar. In 2024, October 17th is especially significant as the Hunter's Supermoon—the largest full moon of the year—rises, making this year's Dawngpui celebration even more meaningful. One particular tribe claims that their harvest festival should be recognized as the Chin New Year. However, their ancestral tradition lacks a specific day that marks the beginning of the year. Given the precision ...
Post a Comment
A vekin siar »