Salai Tluang Kip Thang LaizoZanniat Blog

Kawlram heh  Tatmadaw  le  NUG  (National Unity Government) in tohkham cuhdun in kin buai tlang teng ii. NUG tu Democracy daihtu le mipui in daihhnak sawn ii, reldun kul lo in. Chin politics ah kin tel duhdan ril thiam kin kul ii. NUG lam tang tuh maw, Tatmadaw te daihdan lam tang tuh tiin thu kin umh i hang. NUG heh CNF (Chin National Front) thawn per tlang, kopdun in feh ii. Cia thu heh CNF in official in phuang zo ii. Cetih kin i maan NUG lam tang le singkhaw CNF thawn naper tlang kul tihnak ii. CNF song ah kin lut lo in rin, kop kin kul tihnak ii. Cia lakin CNF daih lo maan Tatmadaw tawng tuhin le Kawlram cozah thar din tuhin NUG rinsan kul lo ti lam sawn in politics umh lianglo ii. Cia politics heh Falam peng ah a roh am ii. Lungrual lo in haat thil lo, lungrual heh haathnak ti reldun kul lo in lingdun ii sing. Tun bang Kawlram harsa le buaihnak lakah cang thil tawp in per tlang kul caan ber ii. Tun lovah zaikom ah per tlang tum ii sing? Kawlram heh Tatmadaw in ...

Zanniat pon hmang, Zanniat mi tihnak heh hlanlai pah paai tuhin thula phuncang umh de ii; Kawlram/Burma ram ding hlan pah in. Kin san tian in a paai thil ngaingai lo ii. Tluanthu umhdan le politics fehdan te sik fangin Zanniat heh a paai tuh zo hnak napui paai thil lo in nung hlen ii. Falam peng ah a nung Pathian sang hmasa le Bible nai hmasa, Pathian labu nai hmasa thu kin zong fangin Zanniat in a hmasa awng ii. Mi hrekkhat te ruat dan tu, a larlar, mi tamtam telhnak ah umh khiah mifim dan, khangsohnak ti de ii. A dikhnak tam ngai ii. Rome (Roman Empire) ram ah umh lekhaw Rome dan in nung pha tiin forhdunhnak ponka za de ii sing. Ikhalkhaw, hnawm thil lo, cak ber in ruathnak thiir (iron) bang in kho rohhnak Roman Empire pui tu paai ve lio ii. Laivum pui uk ben British Empire pui rin paai zo ii. Hlanlai ah Kawlram ah Pyu miphun khiah a khangso in a cak ngai, siangpahrang te tian nai in China emperor in rin kihzah awnghnak i awng napui, tunah Kawlram ah Pyu miphun hmu pha umh lo hang ii...