Salai Tluang Kip Thang LaizoZanniat Blog

(Zanniat Thuthang Facebook ah i hlathnak ii) Khualsim te khiah Party in buai lo, miphun in ding thiam ii. Falam peng hrang cozah in kawihnak sumsaw (budget) heh Pyine Hluttaw kutah umh maanin Falam peng Nisuak lam Pyine Hluttaw heh Khualsim te in lang ben ngio ii. 2011-2015 kum hrang Pu Nah Thang (CPP Party) 2016-2020 kum hrang Pu Ral Hnin (NLD Party) 2021-2025 kum hrang NLD party in Ral Hnin pah cuh ruai i hang. CPP lo tu, NLD lo tu, tiin Khualsim te in thu keng lo ii. Zanniat mi in Pyine Hluttaw heh NLD le USDP ah aisu in khai tohkham kin kian lo ai, CNLD ian ah tohkham nai ve ii sing. Khualsim te bangin fiim in Pyine Hluttaw ca Zanniat mi Salai Tawk Za Lian heh vote pe tu ihlaw.

1990 kum ah Kawl (Ralkap) le Kawl (NLD) te tohkham cuhdun, ralkap power nai Kawl te in siang lo. 1990 ai ngaihdun lo Kawl ralkap cozah le Kawl party NLD te tu 2008 Constitution/Daanpui hmangin a lungrual kio. 2010 kum Election ah Kawl party USDP in Kawlram kin uk, 2015 kum tian. 2015 kum Election ah Kawl party NLD in Kawlram kin uk, 2020 tian. Kawl party USDP le Kawl party NLD in kum 10 kin uk song Kawl le Tlangvum miphun karlak remhnak le kihzahdunhnak umh cuang lo ii. A bang pah ii. Sumsaw hmangdan a tlawm le tam dung ah USDP le NLD ukhnak ah a bang lo menma. I phunpui Zanniat te, thu heh lingthiam tu ih law.

2007 kum lam ah Singapore ah harsa zonzai in tlawngkai in nung awng ing. I nu lam in heh Laizo tlangkulh mi kin cang maan Singapore ai Laizo tlangkulh te khiah i tlanglenghnak te in cang so ii. Nipuinia (Sunday) heh Falam Christian Fellowship (FCF) ah khawm tio de ing ai, nikhat tu Haka khawmhnak ah FCF ben ah khawm tuhin i rualpui te in i sawm le f eh awng ing. Haka khawmhnak ah Kawl (Bamar) pon in khawmhnak umh ai, cetah a pawl upa heh Zanniat mi umh i ti ai, khawmhnak ah cia upa heh tawk ngah so ing. Tawkdun pah tu Falam pon in pondun ii ing. Mah lam mi tawk ngah tiin i ang roh ii. Camkhat dung kin pondun hnua Zanniat mi ing ing, tiin Zanniat in pon ing. Cia pah tu cia upa heh man lo rauh bangin i fehsan teu ai, khawm ben tian tawkdun nawn lo i hang. I thinlung in tu "Zanniat mi ing ti lo ing lai, Zanniat in pon lo ing lai, kin daih tuh sawn napui" tiin i umh meng ii. Kaimah tu mah Zanniat mi tiin umlam ngaiin tawk ve ing. Sorry lawlaw ii. I rualpui te lakah i mithmai hiam...

Rel pha tam ngai napui, tundung 2020 kum November ah rampum in acozah rilhnak Election umh tuh thawn, cia hlan ah Union Peace Conference umh tuh thawn thu ruat pha tam ngai ii. 2008 Constitution/Daanpui heh kin daih awm? Kin daih lo ii. Inapui 2008 constitution daan hlun in Election in acozah ding thilhnak daan tu kin daih sio loi ii. 2008 constitution hmangin election hmasaber 2010 kum ah Kawlram mipui in vote in ralkap party in kin ling hnak USDP tling ai kum 5 acozah per ii. Cia acozah per lai ah mipui in ralkap ukhnak thotho in ruat ai, he acozah in danglamhnak cetih ze in kin fehpui tuh lo in um sio ii. Cetin kum 5 liam ai, 2015 kum ah NLD party in Pi Suu Kyi rinsan in election ah tel ai a hlanta ai USDP party tu lang pha umh lo rori in tlok suang ii. Inapui, mipui in NLD in 2008 daanpui khiah kin thleng sah tuh, cia daan thleng in Democracy ngaingai ngah tuhin um tlang sio napui 2020 kum tian kum 5 song ah 2008 daanpui thlengh thil tuh thu umh lovin acozah rilhnak Election kin hl...